ഈ അധ്യയനവര്‍ഷം തന്നെ പാഠപുസ്തകങ്ങളില്‍ മലയാളം അക്ഷരമാല; പ്രഖ്യാപനവുമായി വിദ്യാഭ്യാസമന്ത്രി

തിരുവനന്തപുരം: 2022-23 അധ്യയനവർഷം വിദ്യാർഥികൾക്ക് ലഭ്യമാകുന്ന മലയാളം പാഠപുസ്തകങ്ങളിൽ അക്ഷരമാല നൽകുമെന്ന് വിദ്യാഭ്യാസമന്ത്രി വി. ശിവന്‍കുട്ടി. ഒന്നാം ക്ലാസിലെ ഭാഗം - 3 ലും രണ്ടാം ക്ലാസിലെ ഭാഗം - 2 ലും അക്ഷരമാല ഉൾപ്പെടുത്തും. ഉദ്യോഗസ്ഥ-ഭരണ പരിഷ്കാര (ഔദ്യോഗിക ഭാഷ) വകുപ്പ് അംഗീകരിച്ച ഭാഷാ മാർഗനിർദ്ദേശക സമിതിയുടെ റിപ്പോർട്ട് അനുസരിച്ചുള്ള അക്ഷരമാലയാണ് നൽകുന്നതെന്നും മന്ത്രി അറിയിച്ചു.