എത്ര നന്നായി പഠിച്ചാലും പരീക്ഷയെ ധൈര്യത്തോടെ നേരിടാൻ മനക്കരുത്തും തയ്യാറെടുപ്പും വേണം. തയ്യാറെടുപ്പ് കഴിഞ്ഞാലും ആശയങ്ങൾ ക്രമീകരിക്കാൻ ശ്രമിച്ചുക്കൊണ്ടേ ഇരിക്കണം. അങ്ങനെയെങ്കിൽ എന്തൊക്കെയാണ് പഠന സമയത്ത് ശ്രദ്ധിക്കേണ്ടതെന്ന് നോക്കാം.
1. പഠന അന്തരീക്ഷം
പഠിക്കാനായി നല്ല അന്തരീക്ഷം കണ്ടെത്തുക എന്നതാണ് ഏറ്റവും വലിയ വെല്ലുവിളി. ഇത് കണ്ടെത്തി കഴിഞ്ഞാൽ പിന്നെ സംഗതി എളുപ്പമാണ്. നല്ല കസേര, ലാപ്ടോപ്, ബുക്ക്, നോട്ട്ബുക്ക്, പേന തുടങ്ങി ആവശ്യമുള്ളതെല്ലാം നിങ്ങളുടെ അടുത്ത് തന്നെ സൂക്ഷിക്കണം. ഇതിനിടയ്ക്ക് വെള്ളം കുടിക്കാനായി പോവുന്നത് സ്ട്രെസ്സ് റിലീഫിന് സഹായിക്കും.
2. ഡിഷ്ണറി
സ്കൂൾ കുട്ടികളാണെങ്കിൽ പ്രിൻ്റഡ് ഡിഷ്ണറി കൂടെക്കൂട്ടുന്നതാണ് നല്ലത്. അതേസമയം, മുതിർന്ന കുട്ടികൾക്ക് ഓൺലൈൻ ലൈബ്രറി ഉപയോഗിക്കാവുന്നതാണ്. സ്കൂൾ പാഠ പുസ്തകത്തിൽ കട്ടിയായ വാക്കുകൾ കണ്ടാൽ അപ്പോൾ തന്നെ അർഥം മനസ്സിലാക്കി വേണം മുന്നോട്ട് പോവാൻ.
3. പ്രധാനപ്പെട്ട ഭാഗങ്ങൾ രേഖപ്പെടുത്താം
പുസ്തകം വായിച്ചു വരുന്ന സമയത്ത് ഏറ്റവും പ്രാധാനപ്പെട്ടതെന്ന് തോന്നുന്ന ഭാഗങ്ങൾ പെൻ അല്ലെങ്കിൽ സ്കെച്ച് പെൻ ഉപയോഗിച്ച് രേഖപ്പെടുത്തുന്നത് തുടർന്നുള്ള പഠനത്തെ സഹായിക്കും. അതുപോലെ ഓൺലൈൻ സഹായത്തോടെയാണ് പഠിക്കുന്നതെങ്കിൽ ബുക്ക്മാർക്ക് ഇപയോഗിക്കാവുന്നതാണ്. ഇനി ഇതുമല്ലെങ്കിൽ പഠിക്കുന്ന സമയത്ത് വീണ്ടു വീണ്ടും കേൾക്കാനായി റെക്കോർഡ് ചെയ്തും പഠന ഭാഗങ്ങൾ സൂക്ഷിച്ചുവെക്കാവുന്നതാണ്.
4. പല മാധ്യമങ്ങളും പഠനവും
എങ്ങനെ പഠിക്കണം, എവിടുന്ന് പഠിക്കണം എന്ന ചോദ്യം എല്ലാവരും ചോദിക്കുന്നതാണ്. ബുക്കിൽ നിന്ന് മാത്രമാണോ പഠിക്കാനാവുക. അല്ലേയല്ല...പാഠ പുസ്തകത്തിനു പുറമേ മറ്റ് പുസ്കങ്ങൾ, സെമിനാറുകൾ, ജേർണൽസ് എന്തിന് ടെലിവിഷൻ വരെ നല്ല സോഴ്സാണ്. മുതിർന്ന കുട്ടികൾക്ക് യൂട്യൂബിനേയും ആശ്രയിക്കാവുന്നതാണ്.
5. റെഫറൻസ്
എന്താണ് റെഫറൻസുകൾ. ഒരു കാര്യം പഠിക്കുമ്പോൾ അതിനെക്കുറിച്ച് എന്തൊക്കെ വിവരം കിട്ടാമോ, അതൊക്കെ സംഘടിപ്പിക്കുന്നതല്ലേ നല്ലത്. ഒരു ഉദാഹരണത്തിന്, കെമിസ്ട്രി പഠിക്കുന്ന ഒരു വിദ്യാർഥിയെ സംബന്ധിച്ച് പല റിയാക്ഷൻസും ബുക്കിൽ നിന്നും മാത്രം മനസ്സിലാവണമെന്നില്ല. ആ സമയത്ത് മറ്റ് സയൻ്റിഫിക് ജേർണൽസ്, സ്റ്റാസ്റ്റിക്സിൽ സോഴ്സസ്, റിസർച്ച് പേപ്പറുകൾ എന്നിവ റിയാക്ഷൻ ആഴത്തിൽ മനസ്സിലാക്കാനും വളരെ എളുപ്പത്തിൽ തന്നെ ഓർത്തെടുക്കാനും സഹായിക്കും.
6. വിദഗ്ദരുമായി സംസാരിക്കാം
പഠനം ആഴത്തിൽ മനസ്സിലാക്കാൻ സഹായിക്കുന്ന ഒന്നാണ് വിദഗ്ദരുമായുള്ള സംസാരം. ഒരു വ്യക്തിക്ക് എല്ലാ വിഷയത്തെ കുറിച്ചും ആഴത്തിൽ അറിവുണ്ടാവണമെന്നില്ല. അതിനാൽ ഓരോ വിഷയത്തിനും പലരുമായി ചർച്ചകൾ നടത്തുന്നതാണ് നല്ലത്. മുതിർന്ന കുട്ടികൾക്ക് ഓൺലൈൻ വഴി വിദഗ്ദരുമായി സഹായിക്കാൻ നിരവധി അവസരം ഉണ്ട്. അത് പരമാവധി ഉപയോഗപ്പെടുത്താനും ശ്രദ്ദിക്കണം.
7. എന്നും പഠിക്കാം
കുറഞ്ഞത് അരമണിക്കൂറെങ്കിലും എന്നും പഠിക്കാൻ സമയം കണ്ടെത്തണം. അത് ഇനി എന്ത് തിരക്കാണെങ്കിലും. ഇത്തരത്തിൽ എന്നും പഠിക്കുന്നത് വഴി പഠനം കീറാമുട്ടിയാണ് എന്ന ചിന്ത ഒഴിവാക്കാമെന്നാണ് വിദഗ്ദർ വരെ പറയുന്നത്.
8. വായിക്കുന്നതെല്ലാം ശരിയാണോ
നിങ്ങൾ വായിക്കുന്ന ബുക്കിലെ എല്ലാ കാര്യങ്ങളും ശരിയാണെന്ന് അങ്ങ് വിശ്വസിച്ചാൽ എങ്ങനെയാ. എല്ലാ കാര്യങ്ങളും എപ്പോഴും ശരിയാവണമെന്നില്ല, അതുപോലെ തെറ്റായിരിക്കണമെന്നുമില്ല. പല ബുക്കുകൾ റെഫർ ചെയ്ത് പഠിക്കുന്നത് വഴി ഇത്തരത്തിലുള്ള തെറ്റുകൾ തിരുത്താനും ശരിയായ കാര്യങ്ങൾ മാത്രം പഠിക്കാനും സഹായിക്കും.
9. ഓൺലൈൻ പഠനം
ഞങ്ങൾ ഒരുപോലെ ചിന്തിക്കുന്നവരായതുകൊണ്ടാണ് ഇപ്പോഴും നല്ല സുഹൃത്തുക്കളായിരിക്കുന്നത്. ഇങ്ങനെ പറയുന്നവരെ നമ്മൾ ഒരുപാട് കണ്ടിട്ടുണ്ട്. അങ്ങനെയെങ്കിൽ, ഇതുപോലെ ഒരുപോലെ ചിന്തിക്കുന്നവരുമായി ചേർന്ന് പഠിച്ചാലോ. ഫെയ്സ്ബുക്ക്, ലിങ്കിഡിൻ തുടങ്ങി പല പ്ലാറ്റ്ഫോമുകളിലും ഇത്തരത്തിലുള്ള ഓൺലൈൻ സ്റ്റഡി ഗ്രൂപ്പുകൾ ലഭ്യമാണ്. ഫലപ്രദമായ ഇത്തരം ഗ്രൂപ്പുകൾ നല്ല രീതിയിൽ ഉപയോഗിക്കാൻ ശ്രദ്ദിക്കുമല്ലോ.
10. ഇങ്ങനെ പഠിക്കാം
അവനെക്കണ്ടാണോ അതോ അവളെക്കണ്ടാണോ നിങ്ങൾ പഠിക്കേണ്ടത്. നിങ്ങൾ നിങ്ങളെക്കണ്ടാണ് പഠിക്കേണ്ടതെന്നാണ് ഉത്തരം. നിങ്ങൾ നിങ്ങളോടാണ് മത്സരിക്കേണ്ടത്. വിജയവും തോൽവിയും നിങ്ങൾക്ക് മാത്രമാണ് ഉള്ളത്. അതിനായി എന്തൊക്കെ ചെയ്യാം.
1. എന്നും പഠിക്കാം
2. ഓർമയിൽ വരുന്ന നല്ല കാര്യങ്ങൾ എഴുതി സൂക്ഷിക്കാം
3. വിശ്രമ വേളകൾ പാട്ടുകേട്ടും സിനിമ കണ്ടും നോവൽ വായിച്ചും ആസ്വദിക്കാം
4. യൂട്യൂബ് ഉപയോഗിച്ച് ഓരോ വിഷയത്തെ കുറിച്ചും ആഴത്തിൽ പഠിക്കാം
5. ഓരോ ദിവസവും ഓരോ പുതിയ കാര്യങ്ങൾ പഠിക്കാം