പതിനാലാം വയസ്സില്‍ ഇഷ്ടമില്ലാതെ അഭിനയിക്കാന്‍ വന്നു, ഐറ്റം ഡാന്‍സില്‍ നിന്ന് രക്ഷപ്പെട്ടപ്പോള്‍ വീണ്ടും; രമ്യ കൃഷ്ണ എന്ന നടിയുടെ കഴിവ് തമിഴ് സിനിമ ഉപയോഗിച്ചിട്ടില്ലെന്ന് ചെയ്യാര്‍ ബാലു

രമ്യ കൃഷ്ണ എന്ന നടിയുടെ പേര് കേട്ടാല്‍ മനസ്സിലേക്ക് ആദ്യം ഓടിയെത്തുന്നത് നീലാംബരി എന്ന കഥാപാത്രം ആണ്. അതിന് ശേഷം വര്‍ഷങ്ങളുടെ കാത്തിരിപ്പിന് ശേഷമാണ് മറക്കാന്‍ ആവാത്ത മറ്റൊരു കഥാപാത്രം കൂടെ രമ്യയെ തേടിയെത്തിയത്, രാജമാത ശിവകാമി ദേവി.

രമ്യ കൃഷ്ണയുടെ കഴിവ് തമിഴ് സിനിമാ ലോകത്തിന് പൂര്‍ണമായും പ്രയോജനപ്പെടുത്താന്‍ കഴിഞ്ഞിരുന്നില്ല എന്നാണ് ചെയ്യാര്‍ ബാലുവിന്റെ അഭിപ്രായം. അത്രയധികം കഴിവും ഗ്ലാമറും ഉള്ള നടി ഉണ്ടായിട്ടും, അവരെ ടൈപ് കാസ്റ്റ് ചെയ്യപ്പെട്ടു. അഭിനയത്തിലേക്ക് വരാനേ താത്പര്യമില്ലാത്ത രമ്യ കൃഷ്ണ ഇന്റസ്ട്രിയിലേക്ക് വന്നതിനെ കുറിച്ച് മാധ്യമപ്രവര്‍ത്തകനായ ചെയ്യാര്‍ ബാലു സംസാരിക്കുന്നതാണ് ഇപ്പോള്‍ വൈറലാവന്നത്.

പതിനാലാം വയസ്സിലാണ് രമ്യ കൃഷ്ണന്‍ അഭിനയ ലോകത്തേക്ക് വരുന്നത്. ചെറുപ്പം മുതലേ നൃത്തം പഠിയ്ക്കുന്ന രമ്യയുടെ ഡാന്‍സ് കണ്ട് ഒരുപാട് അവസരങ്ങള്‍ വന്നിരുന്നു. എന്നാല്‍ അഭിനയത്തോട് ഒട്ടും താത്പര്യം ഇല്ലാത്തതിനാല്‍ അതെല്ലാം ഒഴിവാക്കി. അവസാനം വെള്ളൈ മനസ്സ് എന്ന സിനിമയില്‍ അഭിനയിക്കാന്‍ അവസരം വന്നപ്പോള്‍ പല തടസ്സങ്ങളും പറഞ്ഞു. ഈ ഒരു സിനിമ മാത്രം ചെയ്യാം എന്ന നിബന്ധനയിലാണ് അഭിനയിച്ചു തുടങ്ങുന്നത്.

എന്നാല്‍ സിനിമ എന്ന മാന്ത്രിക ലോകത്ത് ഒരു രീതിയുണ്ട്, എനിക്ക് സിനിമ തന്നെ വേണം എന്ന് വാശിപിടിക്കുന്നവര്‍ക്ക് ഒരു പക്ഷെ നല്ല അവസരങ്ങള്‍ കിട്ടണം എന്നില്ല. എന്നാല്‍ എത്രത്തോളം സിനിമ വേണ്ട എന്ന് പറഞ്ഞ് ഒഴിഞ്ഞു പോയാലും ചിലരെ സിനിമ വിടില്ല. അങ്ങിനെയാണ് രമ്യ കൃഷ്ണയ്ക്ക് തുടരെ തുടരെ സിനിമകള്‍ വന്നുകൊണ്ടിരുന്നത്. തമിഴിലും തെലുങ്കിലുമായി ഒന്നിന് പിറകെ ഒന്നായി രമ്യ സിനിമള്‍ ചെയ്തു.

തമിഴ്‌നാട്ടുകാരിയാണെങ്കിലും രമ്യ കൃഷ്ണയ്ക്ക് തമിഴില്‍ വലിയ ഭാഗ്യം ഉണ്ടായിരുന്നില്ല. തമിഴില്‍ തുടര്‍ച്ചയായി പരാജയങ്ങള്‍ വന്നപ്പോള്‍ തെലുങ്കിലേക്ക് മാറുകയായിരുന്നു. കരിയറില്‍ ഏറ്റവും അധികം നോ പറഞ്ഞ നടി രമ്യ കൃഷ്ണ ആയിരിക്കും. അത്രയധികം സിനിമകള്‍ അവര്‍ വേണ്ട എന്ന് വച്ചിട്ടുണ്ട്. തന്റെ വില തിരിച്ചറിയാതെ ചെറിയ ചെറിയ റോളുകള്‍ പോലും ഏറ്റെടുത്ത് ചെയ്യുന്നതാണ് രമ്യയുടെ മാര്‍ക്കറ്റ് ഇടിച്ചത്.

ഒരുപാട് ടൈപ് കാസ്റ്റ് ചെയ്യപ്പെട്ട നടിയാണ് രമ്യ കൃഷ്ണന്‍. അത്തരത്തിലാണ് ഐറ്റം ഡാന്‍സ് സോംഗുകള്‍ സ്ഥിരം ചെയ്യുന്ന നടിയായി രമ്യ മാറിയത്. സെല്‍വമണിയുടെ ഒരു സിനിമയില്‍ഇ ളയരാജയുടെ സംഗീതത്തില്‍ ചെയ്ത ഒരു ഐറ്റം ഡാന്‍സിനാണ് ആദ്യമായി രമ്യയെ വിളിച്ചത്. എത്ര കോടി തരാം എന്ന് പറഞ്ഞാലും അഭിനയിക്കില്ല എന്ന് ആദ്യം രമ്യ പറഞ്ഞു. എന്നാല്‍ സംവിധായകന്‍ സിനിമയുടെ മുഴുവന്‍ കഥയും പറഞ്ഞപ്പോള്‍ അതിനോട് ഇഷ്ടം തോന്നുകയും ചെയ്യുകയുമായിരുന്നു. ആ പാട്ട് ഹിറ്റായതും തുടരെ തുടരെ ഐറ്റം സോംഗുകള്‍ വന്നു.

തമിഴ് സിനിമയില്‍ രമ്യ കൃഷ്ണയ്ക്ക് വരവേല്‍പ് ലഭിച്ചത് പടയപ്പ സിനിനിമയിലെ നീലാംബരി എന്ന കഥാപാത്രത്തിന് ശേഷമാണ്. എന്നാല്‍ അത് ചെയ്യില്ല എന്ന് തുടക്കത്തില്‍ രമ്യ പറഞ്ഞിരുന്നു. രജനികാന്തിന്റെ വില്ലത്തിയായി അഭിനയിച്ച നടിമാര്‍ക്ക് എല്ലാം പരസ്യമായി അപമാനങ്ങള്‍ നേരിടേണ്ടി വന്നിട്ടുണ്ട്, തനിക്കും പേടിയാണ് എന്ന കാരണത്താല്‍ പിന്മാറി. എന്നാല്‍ പിന്നീട് രജനികാന്തിന്റെ നിര്‍ബന്ധത്തെ തുടര്‍ന്നാണ് പടയപ്പ ചെയ്തത്. ആദ്യ ദിവസം തന്നെ ആരാധകര്‍ സ്‌ക്രീന്‍ വലിച്ചു കീറുകയൊക്കെ ചെയ്തിരുന്നു. എന്നാല്‍ പിന്നീട് നീലാംബരിയ്ക്ക് വലിയ സ്വീകരണം ലഭിച്ചു.

പടയപ്പയ്ക്ക് ശേഷം വില്ലത്തി റോളുകള്‍ നിരന്തരം രമ്യയ്ക്ക് വരാന്‍ തുടങ്ങി. അപ്പോഴും ടൈപ് കാസ്റ്റ് ചെയ്യപ്പെട്ടു. അതിന് ശേഷം കോമഡി റോളുകളാണ് രമ്യയെ തേടിയെത്തിയത്. പിന്നീട് ദേവി കഥാപാത്രങ്ങള്‍. അങ്ങിനെ എല്ലാ കാലത്തും ഒന്ന് അല്ലെങ്കില്‍ മറ്റൊരു തരത്തില്‍ ടൈപ് കാസ്റ്റ് ചെയ്യപ്പെട്ടുകൊണ്ടോയിരുന്നു. ഇപ്പോഴും രമ്യയ്ക്ക് വലിയ മാറ്റങ്ങളില്ല. അതില്‍ നിന്ന് പഠിച്ചില്ല എന്നാണ് ചെയ്യാര്‍ ബാലു പറയുന്നത്.

സംവിധായകന്‍ കൃഷ്ണ വംശിയാണ് രമ്യ കൃഷ്ണയുടെ ഭര്‍ത്താവ്. തുടര്‍ച്ചയായി തെലുങ്ക് സിനിമകള്‍ ഒരുമിച്ച് ചെയ്തതിലൂടെ പ്രണയത്തിലാവുകയും വിവാഹം ചെയ്യുകയും ആയിരുന്നു. അതിന് മുന്‍പ് രമ്യയ്ക്ക് ഒരു ദാമ്പത്യ ജീവിതം ഉണ്ടായിരുന്നുവത്രെ. അത് വേര്‍പിരിഞ്ഞതിന് ശേഷം ആണ് കൃഷ്ണവംശയുമായി പ്രണയത്തിലായതും വിവാഹം ചെയ്തതും. ഇപ്പോള്‍ സന്തുഷ്ട കുടുംബം