വ്യാപക റെയ്ഡുമായി ആദായ നികുതി വകുപ്പ്; പിടിച്ചെടുത്തത് 94 കോടിയുടെ പണം, എട്ട് കോടിയുടെ വജ്രങ്ങള്‍

നാല് സംസ്ഥാനങ്ങളിലെ 55ലധികം ഇടങ്ങളില്‍ ആദായനികുതി വകുപ്പിന്റെ റെയ്ഡ്. കര്‍ണാടക, തെലങ്കാന, ഡല്‍ഹി, ആന്ധ്രാപ്രദേശ് എന്നിവിടങ്ങളിലായി നടത്തിയ പരിശോധനയില്‍ ഏകദേശം 94 കോടി രൂപ പിടിച്ചെടുത്തു. കോണ്‍ട്രാക്ടര്‍മാര്‍ക്കും റിയല്‍ എസ്റ്റേറ്റ് ഡെവലപ്പര്‍മാര്‍ക്കും എതിരെയായിരുന്നു ആദായനികുതി വകുപ്പിന്റെ നടപടി. 

94 കോടി രൂപയ്ക്കൊപ്പം എട്ട് കോടി രൂപ വിലമതിക്കുന്ന സ്വര്‍ണവും വജ്രാഭരണങ്ങളും 30 ആഡംബര വാച്ചുകളും പിടിച്ചെടുത്തതായി സെന്‍ട്രല്‍ ബോര്‍ഡ് ഓഫ് ഡയറക്ട് ടാക്‌സസ്(എസ്ബിഡിടി) അറിയിച്ചു. ഒക്ടോബര്‍ 12 ന് ആണ് തിരച്ചില്‍ ആരംഭിച്ചത്. ഈ കാലയളവില്‍ ബംഗളൂരു, അയല്‍ സംസ്ഥാനങ്ങളായ തെലങ്കാന, ആന്ധ്രാപ്രദേശ് എന്നിവിടങ്ങളിലെ ചില നഗരങ്ങളിലും ഡല്‍ഹിയിലുമായി 55 സ്ഥലങ്ങളില്‍ വകുപ്പ് റെയ്ഡ് നടത്തുകയായിരുന്നു. മൊത്തം 102 കോടിയിലധികം രൂപ പിടിച്ചെടുത്തു

പരിശോധനയില്‍ കണക്കില്‍പ്പെടാത്ത 94 കോടി രൂപയും എട്ട് കോടിയിലധികം വിലമതിക്കുന്ന സ്വര്‍ണവും വജ്രാഭരണങ്ങളും പിടിച്ചെടുത്തതായി എസ്ബിഡിടി പ്രസ്താവനയില്‍ പറഞ്ഞു. കൂടാതെ, ഒരു സ്വകാര്യ കമ്പനി ജീവനക്കാരനില്‍ നിന്ന് 30 ഓളം ആഡംബര വിദേശ റിസ്റ്റ് വാച്ചുകളുടെ ശേഖരം കണ്ടെടുത്തു. എന്നാല്‍ ഈ പ്രതിയുടെ ഐഡന്റിറ്റി വെളിപ്പെടുത്തിയിട്ടില്ല.