Advertisment

പ്ര​ധാ​ന​മ​ന്ത്രി​യു​ടെ റാ​ലി​യി​ൽ ആ​ക്ര​മ​ണം ആ​സൂ​ത്ര​ണം ചെ​യ്തെ​ന്ന കേ​സ് ; മഞ്ചേശ്വരത്തും മലപ്പുറത്തും എൻ.ഐ.എ പരിശോധന

New Update

publive-image

Advertisment

കാ​സ​ർ​കോ​ട്​: 2022ൽ ​ബി​ഹാ​റി​ൽ പ്ര​ധാ​ന​മ​ന്ത്രി​യു​ടെ റാ​ലി​യി​ൽ ആ​ക്ര​മ​ണം ആ​സൂ​ത്ര​ണം ചെ​യ്തെ​ന്ന കേ​സി​ൽ മ​ല​പ്പു​റ​ത്ത് ര​ണ്ടി​ട​ങ്ങ​ളി​ലും മഞ്ചേശ്വരത്തും എ​ൻ.​ഐ.​എ സം​ഘം റെ​യ്ഡ് ന​ട​ത്തി. മലപ്പുറത്ത് കൊ​ണ്ടോ​ട്ടി​ക്ക​ടു​ത്ത് മൊ​റ​യൂ​രി​ലും നി​ല​മ്പൂ​രി​ലു​മാ​യി​രു​ന്നു പ​രി​ശോ​ധ​ന.

മൊ​റ​യൂ​രി​ലെ പോ​പ്പു​ല​ർ ഫ്ര​ണ്ട് പ്ര​വ​ർ​ത്ത​ക​ൻ ശി​ഹാ​ബു​ദ്ദീ​ന്റെ വീ​ട്ടി​ലും നി​ല​മ്പൂ​ർ മ​യ്യ​ന്താ​നി ഉ​ലു​വാ​ൻ ഷെ​ബീ​റി​ന്റെ വീ​ട്ടി​ലു​മാ​ണ് ബു​ധ​നാ​ഴ്ച കൊ​ച്ചി​യി​ൽ​നി​ന്നെ​ത്തി​യ എ​ൻ.​ഐ.​എ സം​ഘം പ​രി​ശോ​ധ​ന ന​ട​ത്തി​യ​ത്. ശി​ഹാ​ബു​ദ്ദീ​ന്‍ ഡ​ല്‍ഹി​യു​ള്‍പ്പെ​ടെ​യു​ള്ള സ്ഥ​ല​ങ്ങ​ളി​ലേ​ക്ക് ന​ട​ത്തി​യ സാ​മ്പ​ത്തി​ക ഇ​ട​പാ​ടു​ക​ളാ​ണ് സം​ഘം പ​രി​ശോ​ധി​ച്ച​ത്. ഇ​യാ​ളെ അ​റ​സ്റ്റ് ചെ​യ്തി​ട്ടി​ല്ല.

ഷെബീർ പരിശോധന സമയത്ത് വീട്ടിലില്ലായിരുന്നു. ജൂ​ൺ എ​ട്ടി​നു മു​മ്പ് ഷെ​ബീ​റി​നോ​ട് എ​ൻ.​ഐ.​എ​യു​ടെ കൊ​ച്ചി യൂ​നി​റ്റ് ഓ​ഫി​സി​ലും തു​ട​ർ​ന്ന് പ​ട്ന ഓ​ഫി​സി​ലും നേ​രി​ട്ട് ഹാ​ജ​രാ​കാ​ൻ നി​ർ​ദേ​ശം ന​ൽ​കി​യാ​ണ് സം​ഘം മ​ട​ങ്ങി​യ​ത്. വാ​ഹ​ന ക​ച്ച​വ​ട ഇ​ട​പാ​ട് ന​ട​ത്തു​ന്ന​യാ​ളാ​ണ് ഷെ​ബീ​ർ. മ​ഞ്ചേ​ശ്വ​രം പൊ​ലീ​സ്​ പ​രി​ധി​യി​ലെ മു​നീ​റി​​ന്റെ​ വീട്ടിലും ക​ട​യി​ലു​ം​ പ​രി​ശോ​ധ​ന നടത്തി. ബു​ധ​നാ​ഴ്ച പു​ല​ർ​ച്ച അ​ഞ്ചോ​ടെ​യാ​ണ്​ എ​ൻ.​ഐ.​എ സം​ഘം മു​നീ​റി​ന്റെ വീ​ട്ടി​ലെ​ത്തി​യ​ത്.

ര​ണ്ട്​ ജീ​പ്പു​ക​ളി​ലാ​യി എ​ത്തി​യ എ​ൻ.​ഐ.​എ സം​ഘ​ത്തെ ലോ​ക്ക​ൽ പൊ​ലീ​സും അ​നു​ഗ​മി​ച്ചു. ആ​റു​മ​ണി​ക്കൂ​ർ നീ​ണ്ട പ​രി​ശോ​ധ​ന​യി​ൽ എ​ന്തെ​ങ്കി​ലും ക​ണ്ടെ​ത്തി​യ​താ​യി വി​വ​ര​മി​ല്ല. ദ​ക്ഷി​ണ ക​ന്ന​ട​യി​ലു​മാ​യി 25ഓ​ളം കേ​ന്ദ്ര​ങ്ങ​ളി​ൽ പ​രി​ശോ​ധ​ന ന​ട​ന്നു. ബി​ഹാ​റി​ലും പ​രി​ശോ​ധ​ന ന​ട​ന്ന​താ​യി പ​റ​യു​ന്നു. ​ബിഹാറിലും പരിശോധന നടന്നതായി പറയുന്നു. ​

Advertisment