പട്ടാമ്പി :- ഇന്ത്യൻ യോഗാ ഫെഡറേഷൻ ഹരിയാനയിലെ ഫരിതബാദിൽ 2022 - മാർച്ച് 25 മുതൽ 27 വരെ നടത്തിയ ദേശീയയോഗാസനമത്സരത്തിൽ കേരളത്തിന്റെ പ്രതിനിധികളിൽ ഒരാളായി പങ്കെടുത്ത യോഗാചാര്യ എം.മാധവന് ഒന്നാം സ്ഥാനവും സ്വർണ്ണ മെഡലും ലഭിച്ചു. 2018 - ലും എം.മാധവന് ഇതെ സ്ഥലത്ത് വെച്ച് ഒന്നാം സ്ഥാനവും സ്വർണ്ണ മെഡലും ലഭിച്ചിട്ടുണ്ട്. കേരളത്തിൽ ആദ്യമായാണ് യോഗോപാസകന് ഇത്തരം ഒരു നേട്ടം കൈവരിക്കുന്നത്. തുടർച്ചയായി 5 - തവണ ദേശീയ മത്സരങ്ങളിൽ പങ്കെടുത്ത് കേരളത്തിലെക്ക് മെഡലുകൾ കൊണ്ടുവന്ന വ്യക്തി കൂടിയാണ് ഇദ്ദേഹം.
ഇത്തരം വലിയ നേട്ടങ്ങൾക്ക് പിന്നിൽ തന്റെ ഗുരു അന്തരിച്ച യോഗാചാര്യ ടി.ജി. ചിതംബരത്തിന്റെ അനുഗ്രഹമാണെന്ന് മാധവൻ വിശ്വസിക്കുന്നു. 25 വർഷ കാലമായി യോഗവിദ്യ രംഗത്ത് നിറഞ്ഞു നിൽക്കുന് എം.മാധവന് നിരവധി ശിഷ്യ സമ്പത്തിന് ഉടമയാണ് , തിരുവേഗപ്പുറ വിളത്തൂർ സ്വദേശിയാണ് യോഗാചാര്യ എം.മാധവൻ, കുടുംബം ഭാര്യ ശാന്തകുമാരി , മക്കൾ ബാബു, ജയതങ്കമോഹനൻ (യോഗാദ്ധ്യാപിക), പ്രീത, ഒരു ജൈവ കർഷകനു കൂടിയാണ് യോഗാചാര്യ എം.മാധവൻ