കരിപ്പൂർ വിമാനത്താവള വികസനം: സ്ഥലമേറ്റെടുക്കൽ വേഗത്തിലാക്കാൻ മുഖ്യമന്ത്രിയുടെ നിർദേശം; മന്ത്രി അബ്ദുറഹിമാന് ചുമതല; തിങ്കളാഴ്ച അടിയന്തര യോഗം

കോഴിക്കോട്: കരിപ്പൂർ വിമാനത്താവളത്തിൻ്റെ വികസനത്തിനായി സ്ഥലമേറ്റെടുക്കുന്നത് വേഗത്തിലാക്കണമെന്ന് മുഖ്യമന്ത്രിയുടെ നിർദേശം. ഇതിനായി മന്ത്രി വി.അബ്ദുറഹ്മാനെ മുഖ്യമന്ത്രി ചുമതലപ്പെടുത്തി. റൺവേ വികസനത്തിനു കേന്ദ്ര വ്യോമയാന മന്ത്രാലയം 18 ഏക്കർ ഭൂമി ആവശ്യപ്പെട്ടിരുന്നു.

മന്ത്രി വി.അബ്ദുറഹിമാൻ തിങ്കളാഴ്ച മലപ്പുറത്ത് അടിയന്തര യോഗം വിളിച്ചു. കരിപ്പൂർ വിമാനത്തവാളത്തിലെ റൺവേയുടെ നീളം വർധിപ്പിക്കാതെ വലിയ വിമാനങ്ങളുടെ സർവീസ് പുനരാരംഭിക്കാനാവില്ലെന്ന് കേന്ദ്ര വ്യോമയാനമന്ത്രി ജ്യോതിരാദിത്യ സിന്ധ്യ നേരത്തെ സംസ്ഥാന സർക്കാരിനെ അറിയിച്ചിരുന്നു.