10
Saturday June 2023
ദാസനും വിജയനും

സ്വതവേ ചാലക്കുടിക്കാർ ‘വെള്ള’ ത്തിന്റെ കാര്യത്തിൽ ഒന്നാം സ്ഥാനത്താണെങ്കിലും ചാലക്കുടിക്കാരെ ഒന്നടങ്കം വെള്ളത്തിൽ മുക്കി കൊല്ലുവാൻ ശ്രമിച്ച സോഷ്യൽ മീഡിയ പ്രവാചകർക്കും മാധ്യമ മണ്ട ശിരോമണികൾക്കും ചാലക്കുടിക്കാരുടെ നൂറു .. നൂറു വിപ്ലവാശംസകൾ ! കേരളത്തിലെ ഡാമുകളിലും ആറുകളിലും വർഷങ്ങളായി അടിഞ്ഞുകൂടിയിരിക്കുന്ന ടൺ കണക്കിന് ചെളിയും മണലും നീക്കിയാൽ കെ എസ് ആർ ടി സിയിൽ ശമ്പളം കൊടുക്കാൻ അത് മതിയാകും. പക്ഷെ അതൊന്നും ആലോചിക്കാൻ സമയമില്ലല്ലോ ? – ദാസനും വിജയനും

ദാസനും വിജയനും
Sunday, August 7, 2022

ചാലക്കുടിക്കാരെ കെട്ടും ഭാണ്ഡങ്ങളും ഒക്കെ എടുപ്പിച്ചുകൊണ്ട് പലയിടത്തേക്കും പലായനം ചെയ്യിക്കുന്ന അവസ്ഥയിലേക്ക് നമ്മുടെ മാധ്യമങ്ങൾ കൊണ്ടെത്തിച്ചു എന്നതാണ് ഇത്തവണത്തെ പ്രളയത്തിനേക്കാൾ ഏറെ കഷ്ടമായത് .

സ്വതവേ ചാലക്കുടിക്കാർ ”വെള്ള”ത്തിന്റെ കാര്യത്തിൽ ഒന്നാം സ്ഥാനത്തുതന്നെ നിലനിൽക്കുന്ന ഈ കാലഘട്ടത്തിൽ ഒരു പുഴയൊഴുകുന്നു എന്ന ഒറ്റക്കാരണത്താൽ ചാലക്കുടിക്കാരെ ഒന്നടങ്കം വെള്ളത്തിൽ മുക്കി കൊല്ലുവാൻ ശ്രമിച്ച സോഷ്യൽ മീഡിയ പ്രവാചകർക്കും മാധ്യമ മണ്ട ശിരോമണികൾക്കും ചാലക്കുടിക്കാരുടെ നൂറു .. നൂറു വിപ്ലവാശംസകൾ !


ലോകം ഉണ്ടായതു മുതൽ അല്ലെങ്കിൽ കേരളം ഉണ്ടായതുമുതൽ മഴയും മഴക്കെടുതികളും നമ്മെ സുഖിപ്പിക്കാറുമുണ്ട്, അതുപോലെ വേദനിപ്പിക്കാറുമുണ്ട് . ഉരുൾപൊട്ടൽ ഇല്ലാത്ത ഒരു മഴക്കാലവും നമ്മൾ അനുഭവിച്ചിട്ടില്ല . വെള്ളപ്പൊക്കവും പ്രളയവും ഒക്കെ ഇല്ലാത്ത ഒരു മൺസൂണും കടന്നുപോയിട്ടില്ല . 


പല സീസണിലും പല ഭാഗത്തായാണ് ഇതൊക്കെ അനുഭവപ്പെടാറുള്ളത് എന്നത് മാത്രമാണ് ഒരു വ്യത്യസം . പശ്ചിമ ഘട്ടത്തിലെ ഇടുക്കിയാണ് ഏറ്റവുമധികം ദുരന്തങ്ങൾ ഏറ്റുവാങ്ങിയിട്ടുള്ളത് എങ്കിലും വയനാടും കണ്ണൂരും മലപ്പുറവും കാസർകോട്ടും പത്തനംതിട്ടയുമൊക്കെ മഴയുടെ ഭീകരത നുണഞ്ഞവർ തന്നെ .

ഉരുൾപൊട്ടൽ എന്ന ഒരു പ്രതിഭാസം ഇന്നേവരെ ആരും നഗ്നനേത്രങ്ങൾ കൊണ്ട് കണ്ടിട്ടില്ലത്രെ . ഉരുൾപൊട്ടൽ കാണുവാനും അത് ചിത്രീകരിക്കുവാനും മനോരമ  ഫോട്ടോഗ്രാഫർ വിക്ടർ ജോർജ്ജ് 2001 ജൂലൈ മാസം ഒൻപതാം തിയതി കോട്ടയത്തുനിന്നും ഇടുക്കിയുടെ ചെപ്പുകുളത്ത് തമ്പടിച്ചു .

ചിത്രങ്ങൾ പകർത്താനുള്ള ശ്രമങ്ങൾക്കിടെ അപ്രതീക്ഷിതമായി വെണ്ണിയാണി മലയിൽ സംഭവിച്ച ഉരുൾപൊട്ടലിൽ വിക്ടർ ജോർജ്ജ് ഒഴുകിപ്പോകുകയും പിന്നീട് മൂന്നു നാളുകൾക്കുശേഷം കണ്ടെത്തുകയും ചെയ്തു .

അതിനുശേഷം കേരളത്തിൽ നിന്നാരും ഉരുൾപൊട്ടൽ കാണുവാനോ പടം പിടിക്കുവാനോ പോയതായി അറിവില്ല . എല്ലാം ദൈവത്തിന്റെ വികൃതികളായി കണക്കാക്കിയാൽ മതി .


കേരളം കണ്ടതിൽ വെച്ചേറ്റവും വലിയ പ്രളയം 57 ൽ ആയിരുന്നു എങ്കിലും 2018 ലേത് ഏറ്റവും വലിയ മനുഷ്യ നിർമ്മിത പ്രളയമെന്നാണ് കണക്കാക്കുന്നത് .


ജലസേചനത്തിന്റെയും വൈദ്യതിയുടെയും രണ്ടു മന്ത്രിമാർ തമ്മിലുണ്ടായ ഈഗോയും ഡാം മാനേജ്‌മെന്റിലെ പിടിപ്പുകേടും കൂടിയായപ്പോൾ ജീവൻ ഇല്ലാതായത് 483 ആളുകൾക്കാണ് .

അതിനിരട്ടി ജന്തുക്കളും കോടിക്കണക്കിന് രൂപയുടെ നാശ നഷ്ടങ്ങളും സംഭവിച്ച ആ പ്രളയത്തിൽ പല നദികളും അരുവികളും തോടുകളും വഴിമാറിയൊഴുകി . സാധാരണയായി കേരളത്തിലെ ഒരു ഡാം തുറന്നാൽ അതിലെ വെള്ളം കടലിൽ എത്തുവാൻ എട്ടു മുതൽ ഒൻപത് വരെ മണിക്കൂർ സമയമെടുക്കും .

കടലിന്റെ വേലിയേറ്റവും വേലിയിറക്കവും കണക്കുകൂട്ടിയായിരിക്കും ഡാമുകൾ തുറക്കാറുള്ളത് . ആ വർഷം അക്കാര്യം ആരും ശ്രദ്ധിച്ചില്ല എന്നതാണ് വസ്തുത .


ഓരോ ഡാമുകളിലും വർഷങ്ങളായി ടൺ കണക്കിന് ചെളിയും മണലുമാണ് അടിഞ്ഞു കൂടുന്നത് . ഇത് ഡാമുകളുടെ സംഭരണശേഷിയിൽ വളരെയധികം മാറ്റങ്ങൾ ഉണ്ടാക്കുന്നു . ചെളിവാരുവാനുള്ള സംവിധാനം നമ്മുടെ സർക്കാരുകൾ ഇനിയും ചിന്തിച്ചിട്ട് പോലുമില്ല .


ആ ചളിയും മണലും വാരി വിറ്റാൽ തന്നെ കെഎസ്ആർടിസി അല്ലെങ്കിൽ കെഎസ്ഇബിക്കാരുടെ ശമ്പളം മര്യാദക്ക് കൊടുക്കുവാനാകും . ഇതൊക്കെ ചിന്തിക്കുവാനോ നടപ്പാക്കുവാനോ ഭരിക്കുന്നവർക്ക് നേരമില്ല .

കൂടാതെ മഴ പെയ്തു തുടങ്ങുന്നതിനു മുൻപേ ഡാമിലെ വെള്ളം കുറേശ്ശെ തുറന്നുവിട്ടുകൊണ്ട് ഡാമുകളെ കൂടുതൽ വെള്ളം ഉൾക്കൊള്ളിക്കുവാൻ തയാറാക്കി നിർത്താം . ഇതൊക്കെ ആരോട് പറയാൻ . അന്ന് ബ്രിട്ടീഷുകാരോക്കെ ഭരിച്ചതുകൊണ്ട് ഡാമും വൈദ്യതിയുമൊക്കെ നമ്മൾ അനുഭവിക്കുന്നു .

കെ കരുണാകരൻ കേരളം ഭരിക്കുന്ന സമയത്തുണ്ടായ അതിഭയാനകമായ പ്രളയത്തിനിടക്ക് അദ്ദേഹം സഹായത്തിനായി കേന്ദ്രത്തെ ബന്ധപ്പെട്ടു എങ്കിലും കേന്ദ്രത്തിൽ നിന്നുള്ള നിരീക്ഷകർ ചുവപ്പുനാടകൾ ഒക്കെ അഴിച്ചുവെച്ചു കൊച്ചിയിൽ എത്തിയപ്പോഴേക്കും പ്രളയമൊക്കെ അവസാനിച്ചിരുന്നു .

ലീഡർ കെ കരുണാകരൻ അവരെയൊക്കെ നേവിയുടെ ഹെലികോപ്റ്ററിൽ കയറ്റി ആലപ്പുഴക്ക് മുകളിലൂടെ കുട്ടനാട് വഴി രണ്ടുതവണ കറക്കിയിട്ടു പറഞ്ഞു അതാണ് പ്രളയമെന്ന്, എല്ലാവരും വെള്ളത്തിനടിയിലാണെന്ന് .

അന്നത്തെ കേന്ദ്ര മന്ത്രി ഭൂട്ടാസിംഗിന് ഇത്രയും പ്രദേശത്തെ വീടുകൾ വെള്ളത്തിനടിയിൽ കിടക്കുകയാണല്ലോ എന്നോർത്തപ്പോൾ സങ്കടം തോന്നി. സഹായവും എത്തി. ഇന്നിപ്പോൾ ഓരോരോ വർഷവും പ്രളയവർഷം ആകുവാനാണ് ഭരിക്കുന്നവരുടെ പ്രാർത്ഥനകൾ .


തമിഴ്‌നാട് നായകൻ സ്റ്റാലിൻ കേരളത്തിലെ ക്യാപ്റ്റനെ ഇടക്കിടെ അഭിനന്ദിക്കുന്നതായി സോഷ്യൽ മീഡിയയിൽ ഒക്കെ കാണുന്നുണ്ട് .
ഇത്രേം നല്ല അടുപ്പമാണെങ്കിൽ ആ മുല്ലപ്പെരിയാർ വിഷയമൊക്കെ ഇവർക്ക് രണ്ടാൾക്കും കൂടി പരിഹരിച്ചുകൂടെ എന്ന് ചിന്തിക്കുന്നവരുമുണ്ട് .


പിന്നെ മഴയും പ്രളയവും അതിൽ ചാനലുകാർ തള്ളിവിടുന്ന പ്രളയുമൊക്കെ വരുമ്പോൾ ചിലരുടെ മനസ്സിൽ ഏറെ ആഹ്ലാദമാണ് . അവരുടെയും മകളുടെയും ഭാര്യയുടെയും പേരിൽ പല സ്വപ്നസുന്ദരിമാർ ഇറക്കിവിടുന്ന ഭൂതങ്ങളെ പിടിച്ചുകെട്ടുവാൻ ഈ പ്രളയങ്ങൾ ഏറെ സഹായിക്കുന്നുമുണ്ട് .

കൂടാതെ തിരഞ്ഞെടുപ്പുകൾ വരുമ്പോൾ റോഡിനിരുവശവും ഫ്ലക്സ് ബോർഡുകൾ നിറക്കാനും മുൻപേജ് പരസ്യങ്ങൾ ചെയ്യുവാനും ചാനലുകളിൽ ഒഴുക്കുവാനും ഈ പ്രളയഫണ്ടുകൾ വളരെയധികം ഉപകരിക്കുന്നുണ്ട് .

പ്രളയത്തിന്റെ ഫണ്ടിനായി താത്താക്ക് ആടിനെ വിൽക്കാൻ സഹായിച്ചുകൊണ്ട് ബ്രോക്കർ ദാസനും
വെള്ളമെത്തുന്നതിന് മുന്നേ വയറ്റിലേക്ക് വെള്ളമെത്തിക്കുവാൻ ചാലക്കുടിയിലെ ബിവറേജ് ക്യു വിൽ നിന്നും വിജയനും

More News

പല സ്ത്രീകളുടെയും പ്രധാന പ്രശ്നമാണ് മുഖത്തിന്റെ കരിവാളിപ്പും മുഖക്കുരുവും. പലവിധ പരിഹാരങ്ങൾ തേടിയിട്ടും ഒന്നും നടന്നില്ലെന്നോർത്ത് ഇനി ടെൻഷനടിക്കേണ്ട. വീട്ടിൽ സിമ്പിളായി ലഭിക്കുന്ന ചില സാധനങ്ങൾ മാത്രം മതി മുഖത്തിന്റെ എല്ലാ പ്രശ്നവും പമ്പ കടത്താൻ. ∙ റവ ചര്‍മകോശങ്ങളെ തുറക്കുന്നതിനും മൃതകോശങ്ങള്‍ നീക്കം ചെയ്യാനും, ചര്‍മത്തിൽ നിന്നും അഴുക്കും അമിതമായിട്ടുള്ള എണ്ണമയവും നീക്കാനും ഏറ്റവും മികച്ചതാണ് റവ. ചര്‍മത്തില്‍ നിന്നു എണ്ണമയവും അഴുക്കും നീക്കം ചെയ്യുന്നതിനാല്‍ ബ്ലാക്ക് ഹെഡ്സും വൈറ്റ് ഹെഡ്സും നീക്കം ചെയ്യാൻ റവ […]

മഴക്കാലം ആരംഭിച്ചുകഴിഞ്ഞു. കാറുകളിലെ വിന്‍ഡ്ഷീല്‍ഡില്‍ മൂടല്‍ നിറയുന്നത് ഇക്കാലയളവില്‍ സാധാരണമാണ്. എന്തായാലും വാഹനം ഓടിക്കുമ്പോള്‍ കാഴ്ച മറയുന്നത് അതീവ ഗുരുതരമായ അപകടങ്ങള്‍ക്ക് വഴി വയ്ക്കാനും സാധ്യത ഉയര്‍ത്തുന്നു. അപകടസാധ്യതകളെല്ലാം ഒഴിവാക്കി മഴക്കാലം ആസ്വദിച്ച് യാത്ര ചെയ്യുന്നതിന് വാഹനത്തെ ഡീഫോഗ് ചെയ്യാനുള്ള പൊടിക്കൈകള്‍ നോക്കാം.ഫോഗിങ് അഥവാ ഗ്ലാസുകളിലെ മൂടല്‍ അന്തരീക്ഷത്തിലെ ജലം ആവിയായി ഘനീഭവിച്ച് ചില്ലുപ്രതലത്തില്‍ പരക്കുന്നതാണ്. ഇത് വിന്‍ഡ്ഷീല്‍ഡിനു പുറത്തും ഉള്ളിലും ഉണ്ടാകാം. വാഹനത്തിനുള്ളിലു പുറത്തും വ്യത്യസ്ത താപനില രൂപപ്പെടുന്നതാണ് ഈ ഫോഗിങ്ങിനു പിന്നിലുള്ള അടിസ്ഥാന കാരണം. […]

ദൈനംദിന ജീവിതത്തെ തകരാറിലാക്കുന്നതും അസ്വസ്ഥത ജനിപ്പിക്കുന്നതുമാണ് കാലിനുണ്ടാകുന്ന വേദന. ദീര്‍ഘനേരം നില്‍ക്കുന്നതു കൊണ്ടോ, സുഖപ്രദമല്ലാത്ത ഷൂസോ ചെരുപ്പോ മൂലമോ ചിലതരം രോഗങ്ങള്‍ കാരണമോ ഒക്കെയാകാം ഈ കാല്‍ വേദന. ഇവയുടെ കാരണം കണ്ടെത്തി ചികിത്സിക്കാന്‍ ഡോക്ടറെ കാണേണ്ടതും അത്യാവശ്യമായി വന്നേക്കാം. എന്നിരുന്നാലും വീട്ടില്‍തന്നെ വളരെ എളുപ്പം ചെയ്യാവുന്ന ചില വ്യായാമങ്ങള്‍ കാലിലെ വേദന അകറ്റാന്‍ സഹായിക്കുന്നതും കാലുകള്‍ക്ക് കൂടുതല്‍ ഫ്ളെക്സിബിലിറ്റി നല്‍കുന്നതുമാണ്. 1. കാല്‍ വിരലുകള്‍ വലിച്ചുനീട്ടല്‍ കാല്‍ വിരലുകള്‍ക്കും കാലിനും കൂടുതല്‍ ചലനക്ഷമത നല്‍കുന്നതും രക്തയോട്ടം […]

ഇനി മുതൽ ഗൂഗിൾ പേയിൽ ആധാർ ഉപയോഗിച്ച്  ,യുപിഐ പേയ്മെന്റ് നടത്താം. ഉപയോക്താക്കൾക്ക് ആധാർ ഉപയോഗിച്ച് യുപിഐയിൽ രജിസ്റ്റർ ചെയ്യുന്നതിനുള്ള സംവിധാനമാണ് നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ (എൻപിസിഐ) ഒരുക്കിയിരിക്കുന്നത്. അതായത്, ഗൂഗിൾ പേ ഉപയോക്താക്കൾക്ക് ആധാർ അടിസ്ഥാനമാക്കിയുള്ള യുപിഐ ഓൺബോർഡിംഗ് സംവിധാനം ഉപയോഗിച്ച്, ഡെബിറ്റ് കാർഡ് ഇല്ലാതെ തന്നെ  യുപിഐ  പിൻ സെറ്റ് ചെയ്ത്,  പേയ്മെന്റ് നടത്താമെന്ന് ചുരുക്കം. യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) കണക്കുകൾ പ്രകാരം  രാജ്യത്ത്  99.9% പേർക്കും […]

കാഴ്ചകൊണ്ട് മാത്രം ഒരു വജ്രത്തിന്റെ ഗുണനിലവാരം ഉറപ്പിക്കാനാകില്ല. അതുകൊണ്ടാണ് മികച്ച ഡയമണ്ട് ആഭരണങ്ങൾ തിരഞ്ഞെടുക്കുന്നതിനെക്കുറിച്ച്, അവ വാങ്ങാൻ പോകുന്നതിന് മുൻപ് ബോധവാനായിരിക്കേണ്ടത് പ്രധാനമാകുന്നത്. വജ്രങ്ങൾ വാങ്ങുന്നത് അൽപ്പം ബുദ്ധിമുട്ടുള്ളതായി തോന്നുമെങ്കിലും ഇക്കാര്യങ്ങൾ ശ്രദ്ധിച്ചാൽ അവ എളുപ്പമുള്ളതായി മാറും. ഡയമണ്ട് കട്ട് ഒരു വജ്രത്തിന്റെ തിളക്കം  അത് എത്ര നന്നായി മുറിക്കുന്നു എന്നതിനെ അടിസ്ഥാനമാക്കിയുള്ളതാണ്. കൃത്യമായ രീതിയിൽ മുറിക്കപ്പെട്ട വജ്രത്തിന്  മികച്ച ഗുണനിലവാരം ആയിരിക്കും. ഇന്ത്യക്കാർക്കിടയിൽ ഏറ്റവും പ്രചാരമുള്ള ഡയമണ്ട് കട്ട് അല്ലെങ്കിൽ ആകൃതി റൗണ്ട് കട്ട് ആണ്.  52% […]

ബ്രസല്‍സ്: കുടിയേറ്റക്കാരെ സ്വീകരിക്കുന്നതും കൈമാറ്റം ചെയ്യുന്നതും സംബന്ധിച്ച നയം കൂടുതല്‍ കര്‍ക്കശമാകുന്ന രീതിയില്‍ പരിഷ്കരിക്കാന്‍ യൂറോപ്യന്‍ യൂണിയന്‍ അംഗരാജ്യങ്ങള്‍ക്കിടയില്‍ ധാരണയായി. അഭയാര്‍ഥിത്വം തേടുന്നവരോടുള്ള ഉത്തരവാദിത്വം നിറവേറ്റുന്നതിനും യൂറോപ്യന്‍ യൂണിയന്‍ ഐക്യം ഊട്ടിയുറപ്പിക്കുന്നതിനുമിടയില്‍ സന്തുലിതാവസ്ഥ സൃഷ്ടിക്കുക എന്നതാണ് ഉദ്ദേശിക്കുന്നതെന്ന് നിലവില്‍ യൂറോപ്യന്‍ യൂണിയന്‍ അധ്യക്ഷ സ്ഥാനത്തുള്ള സ്വീഡന്‍ വ്യക്തമാക്കി. അഭയാര്‍ഥികളുടെ കുട്ടികള്‍ക്ക് സംരക്ഷണം നല്‍കുന്ന വിഷയത്തില്‍ നേരത്തെ ജര്‍മനി ആശങ്ക പ്രകടിപ്പിച്ചിരുന്നു. ഇത്തരം വിഷയങ്ങള്‍ കൂടി ചര്‍ച്ച ചെയ്ത ശേഷമാണ് നയം മാറ്റം പരിഗണിക്കാന്‍ തീരുമാനമായത്. നയം മാറ്റത്തില്‍ […]

പലരുടെയും ദൈനംദിന ജീവിതത്തെ ബുദ്ധിമുട്ടിലാക്കുന്ന ഒന്നാണ് മലബന്ധം. അതിന് പരിഹാരം കാണുന്നതിന് വേണ്ടി പല വിധത്തിലുള്ള മരുന്നുകളും മറ്റും കഴിക്കുന്നവർ നിരവധിയാണ്. യഥാർത്ഥത്തിൽ മലം വരണ്ടുപോകുകയും മലവിസർജ്ജനത്തിന് ബുദ്ധിമുട്ടുണ്ടാകുകയും ചെയ്യുമ്പോൾ അതിനെ മലബന്ധം എന്ന് വിളിക്കുന്നു. വെള്ളം കുടിക്കാതിരിക്കുന്നത്, സമ്മർദ്ദം, ഭക്ഷണത്തിൽ ഫൈബർ കുറയുന്നത്, അനാരോഗ്യകരമായ ഡയറ്റ്, മറ്റ് ആരോഗ്യ പ്രശ്നങ്ങൾ എന്നിവയൊക്കെ മലബന്ധം ഉണ്ടാകാൻ കാരണമാകാം. കൂടാതെ ജങ്ക് ഫുഡ് അമിതമായി കഴിക്കുന്നതും മലബന്ധത്തിന് കാരണമാണ്. മലബന്ധം മാറാൻ സഹായിക്കുന്ന ഏറ്റവും മികച്ചൊരു പഴമാണ് കിവിപ്പഴം. […]

ബര്‍ലിന്‍: ജര്‍മനിയിലെ വിവാദമായ തെരഞ്ഞെടുപ്പ് പരിഷ്കരണ ബില്ലില്‍ പ്രസിഡന്റ് ഫ്രാങ്ക് വാള്‍ട്ടര്‍ സ്ററീന്‍മെയര്‍ ഒപ്പുവച്ചതോടെ ഇതു നിയമമായി. ജര്‍മന്‍ പാര്‍ലമെന്റായ ബുണ്‍ടസ്ടാഗിന്റെ അംഗസഖ്യ കുറയ്ക്കാന്‍ നിര്‍ദേശിക്കുന്നതാണ് നിയമം. നിയമത്തെക്കുറിച്ച് പ്രസിഡന്റ് ഔദ്യോഗിക പ്രതികരണമൊന്നും അറിയിച്ചിട്ടില്ല. ബില്ലിന്റെ രാഷ്ട്രീയ ഭാഗം കണക്കിലെടുക്കുന്നില്ലെന്നും, അടിസ്ഥാന നിയമത്തില്‍നിന്നു വ്യതിചലിക്കുന്നുണ്ടോ എന്നു മാത്രം പരിശോധിക്കുമെന്നും പ്രസിഡന്റിന്റെ ഓഫീസ് നേരത്തെ അറിയിച്ചിരുന്നു. ഈ പരിശോധനയ്ക്കു ശേഷമാണ് ബില്ലില്‍ ഒപ്പുവയ്ക്കാന്‍ പ്രസിഡന്റ് തീരുമാനിച്ചത്. അടുത്ത ആഴ്ച മാത്രമേ നിയമത്തിന്റെ പൂര്‍ണ രൂപം ഫെഡറല്‍ ലോ ഗസറ്റില്‍ […]

ന്യൂയോർക് : കാനഡയിലെ കാട്ടുതീയിൽ നിന്ന് പുക നിറഞ്ഞ വായു തെക്കോട്ട് തള്ളുന്നത് തുടരുന്നതായി കാലാവസ്ഥ പ്രവചനങ്ങൾ കാണിക്കുന്നതിനാൽ, ന്യൂയോർക്ക് നഗരത്തിലെയും ട്രൈ-സ്റ്റേറ്റിലെയും ആരോഗ്യ ഉദ്യോഗസ്ഥർ വ്യാഴം, വെള്ളി ദിവസങ്ങളിൽ ഉള്ളിൽ തന്നെ തുടരാനും ഔട്ട്ഡോർ പ്രവർത്തനങ്ങൾ പരിമിതപ്പെടുത്തുകയോ ഒഴിവാക്കുകയോ ചെയ്യണമെന്ന് നിവാസികൾക്ക് മുന്നറിയിപ്പ് നൽകി. കാനഡയിലെ കാട്ടുതീയിൽ നിന്നുള്ള പുക ന്യൂയോർക്ക് സിറ്റിയിലും ട്രൈ-സ്റ്റേറ്റ് ഏരിയയിലും മൂന്നാം ദിവസവും തുടരുന്നു.ദശലക്ഷക്കണക്കിന് ആളുകളുടെ ദൈനംദിന ജീവിതത്തെ തടസ്സപ്പെടുത്തുകയും സ്കൈലൈനുകൾ മായ്‌ക്കുകയും ആകാശത്തെ ഓറഞ്ച് നിറമാക്കുകയും ചെയ്യുന്ന കട്ടിയുള്ളതും […]

error: Content is protected !!