മുംബൈ: ഓണത്തോടൊപ്പം മുംബൈയിൽ മഴയുമെത്തി. ഒരാഴ്ചയായി പിൻവാങ്ങിയിരുന്ന മഴ മുംബൈയിലും താനെയിലും ഓണമെത്തിയതോടെ പൂർവാധികം ശക്തിയോടെ തിരിച്ചെത്തി.
അതിശക്തമായ ഇടിമിന്നലോടെയാണ് ഉത്രാടത്തിനും തിരുവോണത്തിനും മഴ തിരിച്ചു വന്നത്. ഇപ്പോഴും മഴ തിമിർത്തു പെയ്യുകയാണ്. ചുറ്റും കായൽ ഉള്ളത് കൊണ്ട് ബംഗളുരുവിലെ പ്പോലെ വെള്ളക്കെട്ട് നഗരത്തിൽ അനുഭവപ്പെടുന്നില്ല. പക്ഷേ താഴ്ന്ന പ്രദേശങ്ങൾ വെള്ളത്തിനടിയിലാണ്.
അടുത്ത അഞ്ച് ദിവസം മഞ്ഞ അലെർട്ടാണ് കേന്ദ്ര കാലാവസ്ഥ വകുപ്പ് നൽകിയിരിക്കുന്നത്. അതായത് ഓണവും ഗണേശോത്സവവും മഴയിൽ മുങ്ങുമെന്ന് സാരം.