'കോ​ൺ​ഗ്ര​സ് കള്ളങ്ങ​ളു​ടെ ച​ന്ത, കൊ​ള്ള​യ​ടി​ക്ക​പ്പെ​ട്ട ക​ട​യും'; കോ​ൺ​ഗ്ര​സിനെ കടന്നാക്രമിച്ച് നരേന്ദ്ര മോദി

ജയ്പുർ: കോ​ൺ​ഗ്ര​സിനെ കടന്നാക്രമിച്ച് പ്രധാനമന്ത്രി നരേന്ദ്ര മോദി. നുണകളുടെ ചന്തയിലെ കൊ​ള്ള​യ​ടി​ക്ക​പ്പെ​ട്ട ക​ടയാണ് കോൺ​ഗ്രസ്സ് എന്നാണ് മോദിയുടെ വിമർശനം. രാ​ജ​സ്ഥാ​നി​ലെ ബി​കാ​ന​റി​ൽ പൊ​തു​യോ​ഗ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

‘വെറുപ്പിന്റെ വിപണിയില് സ്നേഹത്തിന്റെ കട തുറന്നുവെക്കുകയാണ് നാം’ എന്ന് കർണാടക തിരഞ്ഞെടുപ്പ് വിജയത്തിനുശേഷം രാഹുൽ ഗാന്ധി പറഞ്ഞിരുന്നു. ഇതു സൂചിപ്പിച്ചായിരുന്നു പ്രധാനമന്ത്രിയുടെ പ്രതികരണവും. നി​യ​മ​സ​ഭാ തെ​ര​ഞ്ഞെ​ടു​പ്പിന് മുന്നോടിയായി ക​ഴി​ഞ്ഞ 9 മാ​സ​ത്തി​നി​ടെ രാ​ജ​സ്ഥാ​നി​ലെ മോ​ദി​യു​ടെ ഏ​ഴാ​മ​ത്തെ സ​ന്ദ​ർ​ശ​ന​മാ​ണി​ത്.

രാ​ജ​സ്ഥാ​നി​ലെ ക​ർ​ഷ​ക​ർ ഏ​റ്റ​വും കൂ​ടു​ത​ൽ ദു​രി​ത​മ​നു​ഭ​വി​ച്ച​ത് കോ​ൺ​ഗ്ര​സ് സ​ർ​ക്കാ​രി​ന്‍റെ കാ​ല​ത്താ​ണ്. അധികാരത്തിലേറി ഇത്ര വർഷമായിട്ടും കോൺഗ്രസും സർക്കാരും കർഷകർക്ക് വേണ്ടി എന്താണ് നടപ്പാക്കിയിട്ടുള്ളത്. നാ​ല് വ​ർ​ഷ​മാ​യി കോ​ൺ​ഗ്ര​സ് പാ​ർ​ട്ടി​യും സ​ർ​ക്കാ​രും പ​ര​സ്പ​രം പോ​ര​ടി​ക്കു​ക​യാ​ണ്. എ​ല്ലാ​വ​രും പ​ര​സ്പ​രം കാ​ലു​വാ​രു​ന്നു- മോ​ദി പ​റ​ഞ്ഞു.