ബിജെപിക്കെതിരെയുള്ള പോരാട്ടം; പ്രതിപക്ഷ ഐക്യത്തിന് കരുക്കള്‍ നീക്കി മമത ബാനര്‍ജി; എല്ലാ പ്രതിപക്ഷ നേതാക്കള്‍ക്കും കത്തയച്ചു

കൊല്‍ക്കത്ത: ബിജെപിക്കെതിരെ ഒറ്റക്കെട്ടായി പോരാടണമെന്ന് ആവശ്യപ്പെട്ട് പശ്ചിമ ബംഗാൾ മുഖ്യമന്ത്രി മമത ബാനർജി ചൊവ്വാഴ്ച ബിജെപി ഇതര മുഖ്യമന്ത്രിമാര്‍ ഉള്‍പ്പെടെ എല്ലാ പ്രതിപക്ഷ നേതാക്കൾക്കും കത്തയച്ചു. രാജ്യത്തിന്റെ ഫെഡറൽ ഘടനയെ ബിജെപി ആവർത്തിച്ച് ആക്രമിക്കുകയാണെന്ന് മമത ആരോപിച്ചു.

പ്രതിപക്ഷ നേതാക്കളെ അടിച്ചമർത്തുക എന്ന ഒറ്റ ഉദ്ദേശത്തോടെ കേന്ദ്ര ഏജൻസികളെ ദുരുപയോഗം ചെയ്യാനുള്ള ബിജെപിയുടെ ഉദ്ദേശ്യത്തെ പ്രതിപക്ഷം എതിർക്കണമെന്നും അവർ പറഞ്ഞു.

"ബിജെപി ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാർ ജുഡീഷ്യറിയുടെ നിർദ്ദേശങ്ങൾ തുടർച്ചയായി ലംഘിക്കുന്നത് കാണുമ്പോൾ വേദനയുണ്ട്. ജുഡീഷ്യറിയോട് എനിക്ക് ഏറ്റവും വലിയ ബഹുമാനമുണ്ട്, എന്നാൽ നിലവിൽ ചില പക്ഷപാതപരമായ രാഷ്ട്രീയ ഇടപെടലുകൾ കാരണം ആളുകൾക്ക് നീതി ലഭിക്കുന്നില്ല,” മമത പറഞ്ഞു.