ഷിന്‍ഡെയെ മുഖ്യമന്ത്രിയാക്കാം, മന്ത്രിസഭ പുനഃസംഘടിപ്പിക്കാം! സര്‍ക്കാരിനെ എങ്ങനെയും സംരക്ഷിക്കണമെന്ന് ഉദ്ധവ് താക്കറെയോട് ശരദ് പവാര്‍; മഹാരാഷ്ട്രയില്‍ നിര്‍ണായക നീക്കങ്ങള്‍

മുംബൈ: മഹാരാഷ്ട്ര മുഖ്യമന്ത്രി ഉദ്ധവ് താക്കറെയുമായി എന്‍സിപി നേതാവ് ശരദ് പവാര്‍ കൂടിക്കാഴ്ച നടത്തി. സുപ്രിയ സുലെ എംപി, മന്ത്രി ജിതേന്ദ്ര അവ്ഹാദ് എന്നിവരും കൂടിക്കാഴ്ചയില്‍ പങ്കെടുത്തു. വിമത എംഎല്‍എമാര്‍ നേരിട്ട് ആവശ്യപ്പെട്ടാല്‍ മുഖ്യമന്ത്രി സ്ഥാനം രാജിവയ്ക്കാമെന്ന് ഉദ്ധവ് പറഞ്ഞതിന് പിന്നാലെയായിരുന്നു കൂടിക്കാഴ്ച.

സര്‍ക്കാരിനെ എങ്ങനെയും സംരക്ഷിക്കണമെന്ന് പവാര്‍ ഉദ്ധവിനോട് ആവശ്യപ്പെട്ടു. ഷിൻഡെയെ മുഖ്യമന്ത്രിയാക്കുന്നതും പരിഗണിക്കാമെന്നും ആവശ്യമെങ്കിൽ മന്ത്രിസഭ പുനഃസംഘടിപ്പിക്കാമെന്നും അദ്ദേഹം അറിയിച്ചു.