മഹാരാഷ്ട്രയില്‍ നടക്കുന്നത് രാഷ്ട്രപതി തിരഞ്ഞെടുപ്പ് മുന്നില്‍ കണ്ടുള്ള നീക്കങ്ങള്‍! കോണ്‍ഗ്രസ് മഹാവികാസ് അഘാഡിക്കൊപ്പം; സര്‍ക്കാരിനെ അസ്ഥിരമാക്കാന്‍ ബിജെപി ശ്രമിക്കുന്നു-വിമര്‍ശിച്ച് മല്ലികാര്‍ജുന്‍ ഖാര്‍ഗെ

മുംബൈ: മഹാരാഷ്ട്രയില്‍ നടക്കുന്നത് രാഷ്ട്രപതി തിരഞ്ഞെടുപ്പ് മുന്നില്‍ കണ്ടുള്ള നീക്കങ്ങളെന്ന് കോണ്‍ഗ്രസ് നേതാവ് മല്ലികാര്‍ജുന്‍ ഖാര്‍ഗെ. കോണ്‍ഗ്രസ് മഹാവികാസ് അഘാഡിക്കൊപ്പമാണ്. മുന്നണിയിലെ കക്ഷികള്‍ മഹാവികാസ് അഘാഡിയെ ശക്തിപ്പെടുത്തുമെന്നും അദ്ദേഹം പറഞ്ഞു.

"സർക്കാരിനെ അസ്ഥിരമാക്കാനാണ് ബിജെപിയുടെ ശ്രമം. നേരത്തേ കർണാടക, മധ്യപ്രദേശ്, ഗോവ സംസ്ഥാനങ്ങളിൽ അവർ അതാണു ചെയ്തത്''-ഖാര്‍ഗെ പറഞ്ഞു.