തെളിവ് നശിപ്പിക്കൽ ഉൾപ്പെടെയുള്ള 3 കുറ്റങ്ങൾ ക്രിമിനൽ കുറ്റമല്ലാതാക്കാൻ ജിഎസ്ടി കൗൺസിൽ ശുപാർശ ചെയ്തു

ന്യൂഡൽഹി: തെളിവുകൾ നശിപ്പിക്കുന്നതുൾപ്പെടെയുള്ള മൂന്ന് കുറ്റങ്ങൾ ക്രിമിനൽ കുറ്റമല്ലാതാക്കാൻ ജിഎസ്ടി കൗൺസിൽ ശുപാർശ ചെയ്തു. പരിശോധനയ്‌ക്കെത്തുന്ന ഉദ്യോഗസ്ഥരുടെ ചുമതലകൾ നിർവഹിക്കുന്നതിൽ തടസ്സപ്പെടുത്തുക, വിവരങ്ങൾ നൽകാതിരിക്കുക എന്നിവയും ക്രമിനല്‍ കുറ്റമല്ലാതാക്കി മാറ്റാന്‍ യോഗം ശുപാര്‍ശ ചെയ്തിട്ടുണ്ടെന്ന് റവന്യൂ സെക്രട്ടറി സഞ്ജയ് മൽഹോത്ര പറഞ്ഞു.

ജിഎസ്ടി നിയമപ്രകാരം നിർവചിക്കപ്പെട്ടിട്ടുള്ള ഏതെങ്കിലും ക്രിമിനൽ കുറ്റത്തിന് പ്രോസിക്യൂഷൻ ആരംഭിക്കുന്നതിനുള്ള നികുതി തുകയുടെ പരിധി ഒരു കോടി രൂപയിൽ നിന്ന് 2 കോടി രൂപയായി വർധിപ്പിച്ചതാണ് യോഗത്തിലെ മറ്റ് പ്രധാന തീരുമാനമെന്നും അദ്ദേഹം പറഞ്ഞു.

വ്യാജ ഇൻവോയ്‌സിംഗ് പോലുള്ള കുറ്റകൃത്യങ്ങൾക്ക് ഇത് ബാധകമല്ല. പയറുവർഗ്ഗങ്ങളുടെ തൊലി, കത്തി എന്നിവയുടെ ജിഎസ്ടി നിരക്കുകൾ പൂര്‍ണമായും ഒഴിവാക്കി. നേരത്തെ 5 ശതമാനമായിരുന്നു നികുതി. എത്തനോൾ മിശ്രിതമാക്കുന്നതിനുള്ള എഥൈൽ ആൽക്കഹോളിന്റെ ജിഎസ്ടി ഒഴിവാക്കിയിട്ടുണ്ട്. നേരത്തെ 18 ശതമാനമായിരുന്നു നികുതി.