07
Sunday August 2022
നിലപാട്

സ്വന്തം സഹപ്രവർത്തകരുടെ കുത്തേറ്റ ക്ഷതത്തില്‍ നിന്നും ആരോഗ്യ പ്രശ്നങ്ങളില്‍ നിന്നും തമ്പാന്‍ മരണം വരെ മോചിതനായിരുന്നില്ല. അത് ചെയ്തവരോടുള്ള കുടിപ്പകയും മരണം വരെ നിലനിന്നു. കുളിമുറിയില്‍ വഴുതി വീണാണു മരിച്ചതെങ്കിലും ജീവിതത്തില്‍ പ്രതാപ വർമ്മ തമ്പാന്‍റെ നാവോ നിലപാടുകളോ വഴുതിയിട്ടില്ല. തമ്പാന്‍ ഒരു വൃത്തത്തില്‍ ഒതുങ്ങുന്ന പ്രകൃതക്കാരനായിരുന്നില്ല. വെടിയുണ്ട വാക്കുകളാകുമ്പോള്‍ കൊള്ളുന്നവര്‍ക്കു നോവും. അങ്ങനെയെങ്കിൽ നിഷേധിയും ധിക്കാരിയും ആയിരുന്നു തമ്പാന്‍ – നിലപാട് കോളത്തിൽ ഓണററി എഡിറ്റർ ആർ അജിത് കുമാർ

ആര്‍. അജിത് കുമാര്‍
Saturday, August 6, 2022

അര്‍ഹതപ്പെട്ട ആദരവ് കിട്ടാതെയാണ് കോണ്‍ഗ്രസ് നേതാവ് ജി. പ്രതാവ വര്‍മ്മ തമ്പാന്‍ 62 -ാമത്തെ വയസില്‍ യാത്രയായതെന്ന് കണ്ടപ്പോള്‍ വിഷമം തോന്നി. കോണ്‍ഗ്രസിലെ കമ്മ്യൂണിസ്റ്റായിരുന്നു അഥവാ നക്സലൈറ്റായിരുന്നു തമ്പാന്‍.

എന്തും ആരുടെ മുഖത്തു നോക്കിയും പറയും. ഏതു സംഘര്‍ഷത്തിലും പോര്‍വിളിയുമായി മുന്നിലുണ്ടാകും. തല്ലാനും കൊള്ളാനും തയ്യാര്‍. എ ഗ്രൂപ്പായിരുന്നു തമ്പാന് എല്ലാം. ജീവിതത്തില്‍ ഗ്രൂപ്പുമാറ്റത്തെക്കുറിച്ച് മനസില്‍ പോലും ചിന്തിക്കാത്ത അപൂര്‍വ്വം കോണ്‍ഗ്രസുകാരില്‍ ഒരാള്‍.

കോണ്‍ഗ്രസിന്‍റെ കൊല്ലം ഡി.സി.സി പ്രസിഡന്‍റായി തമ്പാന്‍ 2012 മുതല്‍ 2014 വരെ. കുളിമുറിയില്‍ വഴുതി വീണാണു മരിച്ചതെങ്കിലും ജീവിതത്തില്‍ തമ്പാന്‍റെ നാവോ നിലപാടുകളോ വഴുതിയിട്ടില്ല. യൂത്തു കോണ്‍ഗ്രസില്‍ തമ്പാന്‍ വഹിക്കാത്ത പദവികളില്ല. രണ്ടു പ്രധാന പ്രതിസന്ധികളില്‍ എ ഗ്രൂപ്പ് തമ്പാനെ കൈവിട്ടുകളഞ്ഞെങ്കിലും തമ്പാന്‍ എ ഗ്രൂപ്പിനെ ഉപേക്ഷിച്ചില്ല.

കൊല്ലം ഡി.സി.സി പ്രസിഡന്‍റാക്കിയത് എ.കെ ആന്‍റണിയും ഉമ്മന്‍ ചാണ്ടിയും തന്നെ. എ ക്വാട്ടയില്‍. പക്ഷെ തമ്പാന്‍ ഒരു വൃത്തത്തില്‍ ഒതുങ്ങുന്ന പ്രകൃതക്കാരനായിരുന്നില്ല. വെടിയുണ്ട വാക്കുകളാകുമ്പോള്‍ കൊള്ളുന്നവര്‍ക്കു നോവും. എ-ഐ ഗ്രൂപ്പുകള്‍ ഒന്നിച്ചു തമ്പാനെ വകവരുത്തി. പ്രസിഡന്‍റ് സ്ഥാനം തെറിച്ചു. പക്ഷെ തമ്പാന്‍ റിബലായില്ല. എ നേതാക്കള്‍ സംരക്ഷിക്കാതിരുന്നിട്ടും.


ഒടുവിലത്തെ കെ.പി.സി.സി പുനസംഘടനയില്‍ തമ്പാന്‍ പരിഗണി ക്കപ്പെട്ടില്ല. എ ഗ്രൂപ്പിന്   ഭൈമീ കാമുകന്‍ മാരേറെ യുണ്ടാ യിരുന്നു. തമ്പാ ന്‍ ദുഖിതനായി. ആ ദുഖം കണ്ടെത്തിയത് കെ.സി വേണുഗോപാലായി രുന്നു. അങ്ങിനെയാണ് മരിക്കുമ്പോഴും കൈയ്യാളിയ കെ.പി.സി.സി ജന റല്‍ സെക്രട്ടറി പദത്തിലെത്തിയത്.


2001 മുതല്‍ 2006 വരെ ചാത്തന്നൂര്‍ എം.എല്‍.എ ആയിരുന്നു. കോണ്‍ഗ്രസ് കുടുംബമായിരുന്നു തമ്പാന്‍റേത്. വി.എം സുധീരന്‍ യൂത്തു കോണ്‍ഗ്രസ് പ്രസിഡന്‍റ് ആയിരുന്നപ്പോൾ സഹ ഭാരവാഹിയായിരുന്നു തമ്പാന്‍റെ ജ്യേഷ്ഠന്‍ ജയപ്രകാശ് പണിക്കര്‍. അഭിഭാഷകനായിരുന്ന തമ്പാന്‍ ഡോക്ടറേറ്റും നേടി.

തമ്പാന്‍റെ ജീവിതത്തില്‍ മരണത്തെ മുഖാമുഖം കണ്ടത് ഐ ഗ്രൂപ്പുകാരുടെ കഠാര വയറ്റില്‍ കുത്തിയിറക്കിയപ്പോഴാണ്. അന്ന് ടി. ശരത്ചന്ദ്രപ്രസാദായിരുന്നു ഐ ഗ്രൂപ്പിന്‍റെ നേതാവ്. ഇരുവരും തമ്മിലുള്ള കുടിപ്പക മരണം വരെ നിലനിന്നു. ഒരിക്കലും പിന്നീടിരുവരും മുഖാമുഖം കാണാറില്ല; കണ്ടാല്‍ മിണ്ടാറില്ല.

യൂണിവേഴ്സിറ്റി യൂണിയന്‍ തെരഞ്ഞെടുപ്പുമായി ബന്ധപ്പെട്ട തര്‍ക്കം പാളയത്തെ സര്‍വ്വകലാശാല ആസ്ഥാനത്തിനു മുമ്പില്‍. ഗ്രൂപ്പു യുദ്ധം കൊടുമ്പിരികൊണ്ട കാലം.

കെ. കരുണാകരനും എ.കെ ആന്‍റണിയും കളത്തിലിറങ്ങിയാണ് അന്ന് ഗ്രൂപ്പുകളിച്ചിരുന്നത്. എ-ഐ പോര്‍വിളി യൂണിവേഴ്സിറ്റിക്കു മുമ്പില്‍ നടക്കുമ്പോഴാണ് കൊടുങ്കാറ്റുപോലെ തമ്പാന്‍ വന്നിറങ്ങുന്നത്. പോര്‍വിളി, തെറിവിളി, തമ്മില്‍ തല്ല്…


കലാപകലുഷിതം. ഇടയില്‍ തമ്പാന്‍റെ വയറ് ഒരു ഐ ഗ്രൂപ്പുകാരന്‍ കുത്തിപ്പിളര്‍ന്നു. ശരത് പറഞ്ഞുവിട്ട ആളാണു തന്നെ കുത്തിയതെന്ന് തമ്പാന്‍ അന്നും മരിക്കും വരെയും വിശ്വസിച്ചു. ശരത് മറുത്തു പറയാനൊട്ടു പോയിട്ടുമില്ല. കുത്തിയത് ഒരു ശരത് അനുയായി. പക്ഷേ തമ്പാന് നഷ്ടപ്പെട്ടത് ഓജസും തേജസുമായിരുന്നു.


ആ കുത്തിന്‍റെ ക്ഷതത്തില്‍ നിന്നും ആരോഗ്യ പ്രശ്നങ്ങളില്‍ നിന്നും തമ്പാന്‍ ഒരിക്കലും മോചിതനായില്ല. അന്ന് ഐ ഗ്രൂപ്പുകാര്‍ കരുക്കള്‍ നീക്കിയത് പന്തളം സുധാകരന്‍റെ എം.എല്‍.എ ക്വോട്ടേഴ്സ് ഓള്‍ഡ് ബ്ലോക്കിലെ 37 -ാം നമ്പര്‍ മുറിയില്‍ വച്ചായിരുന്നു.

പക്ഷെ എന്നിട്ടും പന്തളത്തോട് തമ്പാനു വൈരാഗ്യമുണ്ടായിരുന്നില്ല. രമേശ് ചെന്നിത്തല, പന്തളം സുധാകരന്‍ എന്നിവര്‍ യൂത്തു കോണ്‍ഗ്രസ് പ്രസിഡന്‍റായപ്പോള്‍ ജനറല്‍ സെക്രട്ടറിയായി തമ്പാന്‍ പ്രവര്‍ത്തിച്ചു. എന്നാല്‍ ശരതിനോടുള്ള വൈരാഗ്യം തമ്പാന്‍ ഒട്ടും ഉപേക്ഷിച്ചതുമില്ല.


മരണത്തിനു കീഴടങ്ങേണ്ട രോഗങ്ങളൊന്നും ഇപ്പോള്‍ തമ്പാനുണ്ടായിരുന്നില്ല. അങ്ങനെ വന്നാല്‍ മരണത്തിന്‍റെ മുഖത്തു നോക്കി ഷര്‍ട്ട് പൊക്കിക്കാട്ടി ഈ നെഞ്ചിലൂടെ കയറിപ്പോടാ എന്നു പറയുമായിരുന്നു തമ്പാന്‍.


കൊല്ലത്ത് വെടിവെച്ച പോലീസിനു നേരെ ചീറിപ്പാഞ്ഞു നെഞ്ചു കാട്ടി പറഞ്ഞതുപോലെ. നിഷേധിയും ധിക്കാരിയും ആയിരുന്നു തമ്പാന്‍. അതായിരുന്നു തമ്പാന്‍റെ ആത്മാര്‍ത്ഥതയുടെയും സത്യസന്ധതയുടെയും അടയാളങ്ങള്‍.

മാധ്യമങ്ങള്‍ ആഘോഷിച്ചില്ല. പ്രളയമാകാം കാരണം. പക്ഷേ ഒരാഘോഷങ്ങളും ഇല്ലെങ്കിലും പ്രതാപവര്‍മ്മ തമ്പാന്‍ എന്ന നിഷേധിയെ സുഹൃത്തുക്കള്‍ ഏറെക്കാലം ഓര്‍ക്കും, തീര്‍ച്ച.

  • ഓണററി എഡിറ്റർ 

More News

എഡ്ജ്ബാസ്റ്റണ്‍: കോമണ്‍വെല്‍ത്ത് ഗെയിംസ് വനിതാ ക്രിക്കറ്റില്‍ ഫൈനല്‍ പോരാട്ടത്തില്‍ ഇന്ത്യയെ പരാജയപ്പെടുത്തി ഓസ്‌ട്രേലിയ സ്വര്‍ണം സ്വന്തമാക്കി. അവസാന നിമിഷം വരെ ഇന്ത്യയ്ക്ക് വിജയപ്രതീക്ഷയുണ്ടായിരുന്ന മത്സരം, ഒടുവില്‍ ഓസീസ് ബൗളര്‍മാര്‍ പിടിച്ചെടുക്കുകയായിരുന്നു. സ്‌കോര്‍: ഓസ്‌ട്രേലിയ 20 ഓവറില്‍ എട്ട് വിക്കറ്റിന് 161, ഇന്ത്യ 19.3 ഓവറില്‍ 152 ഓള്‍ ഔട്ട്. 41 പന്തില്‍ 61 റണ്‍സെടുത്ത ബെത്ത് മൂണിയാണ് ഓസ്‌ട്രേലിയയെ മികച്ച സ്‌കോറിലെത്തിച്ചത്. ഇന്ത്യയ്ക്ക് വേണ്ടി രേണുക സിങും, സ്‌നേഹ് റാണയും രണ്ട് വിക്കറ്റ് വീതവും, ദീപ്തി ശര്‍മയും, […]

തിരുവനന്തപുരം: കേശവദാസപുരത്ത് 60കാരിയെ മരിച്ച നിലയില്‍ കണ്ടെത്തി. മനോരമ എന്ന സ്ത്രീയാണ് മരിച്ചത്. സമീപത്തെ വീട്ടിലെ കിണറ്റില്‍ നിന്നാണ് മൃതദേഹം കണ്ടെത്തിയത്. ഇവരെ കാണാനില്ലെന്ന പരാതിയെ തുടർന്ന് നടത്തിയ തെരച്ചിലിനിടെയാണ് മൃതദേഹം കിട്ടിയത്. കാലുകൾ കെട്ടിയിട്ട നിലയിലായിരുന്നു മൃതദേഹം. ഇവരുടെ വീടിന് സമീപത്ത് താമസിച്ചിരുന്ന ഒരു ഇതരസംസ്ഥാന തൊഴിലാളിയെ കാണാതായിട്ടുണ്ട്. ഇയാൾക്ക് ഒപ്പം താമസിക്കുന്ന മൂന്ന് പേർ പൊലീസ് കസ്റ്റഡിയിലാണ്.

ഫ്‌ളോറിഡ: അഞ്ചാം ടി20യില്‍ വിന്‍ഡീസിനെ 88 റണ്‍സിന് തകര്‍ത്ത് ഇന്ത്യ 4-1ന് പരമ്പര സ്വന്തമാക്കി. ടോസ് നേടി ബാറ്റിങ് തിരഞ്ഞെടുത്ത ഇന്ത്യ 20 ഓവറില്‍ ഏഴ് വിക്കറ്റിന് 188 റണ്‍സെടുത്തു. വിന്‍ഡീസ് 15.4 ഓവറില്‍ 100 റണ്‍സിന് പുറത്തായി. 40 പന്തില്‍ 64 റണ്‍സെടുത്ത ശ്രേയസ് അയ്യരാണ് ഇന്ത്യയുടെ ടോപ് സ്‌കോറര്‍. ഇഷന്‍ കിഷന്‍-11, ദീപക് ഹൂഡ-38, സഞ്ജു സാംസണ്‍-15, ഹാര്‍ദ്ദിക് പാണ്ഡ്യ-28, ദിനേശ് കാര്‍ത്തിക്-12, അക്‌സര്‍ പട്ടേല്‍-9, ആവേശ് ഖാന്‍-1 നോട്ടൗട്ട് എന്നിങ്ങനെയാണ് മറ്റുള്ളവരുടെ പ്രകടനം. […]

പട്‌ന: എന്‍ഡിഎയുമായി പിണങ്ങി നില്‍ക്കുന്ന ബിഹാര്‍ മുഖ്യമന്ത്രിയും ജെഡിയു നേതാവുമായ നിതീഷ് കുമാര്‍ സോണിയാ ഗാന്ധി അടക്കമുള്ള പ്രതിപക്ഷ നേതാക്കളുമായി സംസാരിച്ചതായി റിപ്പോര്‍ട്ട്. ഇതിന് പിന്നാലെ ജെഡിയു എംപിമാരെ നിതീഷ് പട്‌നയിലേക്ക് വിളിപ്പിച്ചു. ബിഹാറിലെ രാഷ്ട്രീയ വിഷയങ്ങളെ ചൊല്ലി എന്‍ഡിഎയുമായി ഇടഞ്ഞു നില്‍ക്കുകയാണ് ജെഡിയു. ഇന്ന് പ്രധാനമന്ത്രിയുടെ അധ്യക്ഷതയിൽ വിളിച്ചു ചേർത്ത നിതി ആയോഗ് യോഗത്തിൽ നിന്നടക്കം അദ്ദേഹം വിട്ടു നിന്നിരുന്നു.

കുവൈറ്റ് സിറ്റി: വ്യാഴം, ശനി ഗ്രഹങ്ങളുടെ അപൂര്‍വ സംഗമത്തിന് ഇന്ന് കുവൈറ്റ് സാക്ഷിയാകും. രാത്രി 10 മുതല്‍ സൂര്യോദയം വരെയുള്ള സമയങ്ങളിലാണ് ഈ അപൂര്‍വ പ്രപഞ്ച വിസ്മയത്തിന് കുവൈറ്റിന്റെ ആകാശം സാക്ഷിയാവുകയെന്ന് അൽ ഉഐജീരി സയന്റിഫിക്‌ സെന്റർ അറിയിച്ചു. നഗ്ന നേത്രങ്ങൾ കൊണ്ട്‌ ഇത് കാണാം. കാഴ്ചയില്‍ ഇരു ഗ്രഹങ്ങളും ചേർന്ന് നിൽക്കുന്നതായി തോന്നാമെങ്കിലും ഏകദേശം 60 കോടി കിലോമീറ്ററുകൾ അകലെയാണു ഇവ തമ്മിലുള്ള ദൂരം എന്ന് കേന്ദ്രത്തിലെ പബ്ലിക് റിലേഷൻസ് ആൻഡ് മീഡിയ ഡയറക്ടർ ഖാലിദ് […]

കോഴിക്കോട്: പന്തിരിക്കരയില്‍ സ്വര്‍ണ്ണക്കടത്ത് സംഘം തട്ടിക്കൊണ്ടുപോയി കൊലപ്പെടുത്തിയ ഇര്‍ഷാദിന്‍റെ മൃതദേഹാവശിഷ്ടം ബന്ധുക്കൾ ഏറ്റുവാങ്ങി സംസ്ക്കരിച്ചു.  മേപ്പയൂർ സ്വദേശി ദീപക്കിന്‍റേതെന്ന് കരുതി ബന്ധുക്കൾ ഏറ്റുവാങ്ങി സംസ്കരിച്ച മൃതദേഹമാണ് ഇർഷാദിന്‍റേതാണെന്ന് തെളിഞ്ഞതിനെ തുടർന്ന് ബന്ധുക്കള്‍ക്ക് കൈമാറിയത്. കാണാതായ ദീപക്കിന്റേതെന്ന് കരുതി ഇർഷാദിന്റെ മൃതദേഹം ബന്ധുക്കൾ സംസ്കരിച്ചിരുന്നു. എന്നാൽ ഡി എൻ എ പരിശോധനയിൽ മൃതദേഹം ദീപക്കിന്റേതല്ലെന്നും ഇർഷാദിന്റേതാണെന്നും വ്യക്തമായി. പിന്നാലെയാണ് വടകര ആർ ഡി ഒയുടെ നേൃത്വത്തിൽ ഇർഷാദിന്റെ മൃതദേഹാവശിഷ്ടങ്ങൾ ബന്ധുക്കൾക്ക് കൈമാറിയത്.

കൽപറ്റ: വയനാട് ജില്ലയിൽ വിദ്യാഭ്യാസ സ്ഥാപനങ്ങൾക്ക് നാളെ ജില്ലാ കളക്ടർ അവധി പ്രഖ്യാപിച്ചു. ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും അവധിയായിരിക്കുമെന്ന് ജില്ലാ കലക്ടർ അറിയിച്ചു. ജില്ലയിൽ മഴ തുടരുന്ന സാഹചര്യത്തിലും ദുരിതാശ്വാസ ക്യാംപുകൾ പ്രവർത്തിക്കുന്ന സാഹചര്യത്തിലുമാണ് അവധി പ്രഖ്യാപിച്ചത്.

മനാമ : കേരള പ്രദേശ് കോൺഗ്രസ് കമ്മിറ്റിയുടെ നിർദ്ദേശ പ്രകാരം ലോകമെമ്പാടും ആരംഭിച്ച ഒഐസിസി മെമ്പർഷിപ്പ്‌ വിതരണം ബഹ്‌റൈനിലും ആരംഭിച്ചു. ഒഐസിസി ആക്ടിങ് പ്രസിഡന്റ്‌ രവി കണ്ണൂർ അധ്യക്ഷത വഹിച്ച യോഗത്തിൽ മെമ്പർഷിപ്പ്‌ വിതരണോദ്ഘാടനം ഒഐസിസി ഗ്ലോബൽ ജനറൽ സെക്രട്ടറിയും, മിഡിൽ ഈസ്റ്റ്‌ ജനറൽ കൺവീനറുമായ രാജു കല്ലുംപുറം മുതിർന്ന അംഗം സി.പി. വർഗീസിന് ആദ്യ മെമ്പർഷിപ് നൽകി നിർവഹിച്ചു. ഗ്ലോബൽ സെക്രട്ടറിയും, മിഡിൽ ഈസ്റ്റ്‌ കൺവീനർ റഷീദ് കുളത്തറ മെമ്പർഷിപ്പ് വിതരണം സംബന്ധിച്ച വിശദമായ വിവരങ്ങൾ […]

തൊടുപുഴ: ചിറ്റൂര്‍ പാലക്കാട്ട് മാണി ജോസഫ് (78) നിര്യാതനായി. സംസ്ക്കാരം നാളെ തിങ്കളാഴ്ച രാവിലെ 10.30 ന് ചിറ്റൂർ സെന്റ് ജോർജ് പള്ളിയിൽ. ഭാര്യ: ചിന്നമ്മ ആരക്കുഴ പൂക്കാട്ട് കുടുംബാംഗം. മക്കൾ: ബീന (മുംബൈ), ബിന്ദു (ഖത്തർ), ബിജോ (ദുബായ്). മരുമക്കൾ: ഗ്യാരി ജെയിംസ്, ചക്കാലപ്പാടത്ത് (മുംബൈ), ബെനോ ജെയിംസ്, മുട്ടത്ത് (കാഞ്ഞിരപ്പിള്ളി), നിഷ വടക്കേവീട്ടിൽ (മൈസൂർ).

error: Content is protected !!