മസ്കത്ത്: ബാഡ്മിന്റൺ കളിക്കിടെ കുഴഞ്ഞുവീണ് തിരുവനന്തപുരം സ്വദേശി ഒമാനിൽ മരിച്ചു. ശ്രീകാര്യം സ്വദേശി പ്രശോഭ് മോഹനന് (40) ആണ് മരിച്ചത്. തിങ്കളാഴ്ച രാത്രി എട്ടു മണിയോടെയായിരുന്നു സംഭവം. 2008 മുതൽ ഒമാനിലുള്ള പ്രശോഭ് സിവിൽ എൻജിനിയറായി ജോലി ചെയ്തുവരികയായിരുന്നു.
ഗാലയിലെ അൽനഹ്ദ ടവറിന് സമീപമുള്ള ബാഡ്മിന്റൺ കോർട്ടിൽ ബാഡ്മിന്റൺ കളിക്കുന്നതിനിടെ ഹൃദയാഘാതം സംഭവിച്ചതിനെ തുടര്ന്നായിരുന്നു അന്ത്യം. ഭാര്യ - ലീന പ്രശോഭ്. മക്കൾ - ഇഷാനി, തന്മയ. ഭാര്യയും മക്കളും ഒമാനില് ഒപ്പമുണ്ടായിരുന്നു. മികച്ച ക്രിക്കറ്റ് കളിക്കാരനായിരുന്ന പ്രശോഭ്, ഒമാന് ക്രിക്കറ്റ് സി ഡിവിഷനില് അല്വാദ് ട്രേഡിംഗ് ടീമിലെ അംഗമായിരുന്നു. ബുധനാഴ്ച മൃതദേഹം നാട്ടിലെത്തിക്കും.