ദോഹ/മനാമ: ബഹ്റൈനിലെ മലയാളി ടിക് ടോക് കൂട്ടായ്മയായ പേൾ ബഹ്റൈൻ ഇന്ന് ആരംഭിക്കുന്ന ഖത്തര് ഫുട്ബോള് ലോകകപ്പിനോട് അനുബന്ധിച്ച് ഗാനം പുറത്തിറക്കി. ഏകദേശം നാല് മിനിറ്റോളം ദൈര്ഘ്യമുള്ള ഗാനം ഇതിനോടകം വൈറലാണ്. ഹാരിസ് എകച്ചുവാണ് സംവിധാനം. റസാഖ് ബാബുവാണ് നിര്മ്മാതാവ്.
ഇന്ത്യൻ ഇൻസ്റ്റിറ്റ്യൂട്ട് ഓഫ് പെർഫോമിംഗ് ആർട്സ് (I.I.P.A) ആണ് ഈ വീഡിയോ ഗാനത്തിന്റെ കോ സ്പോണ്സര്. ജ്യോതി രാജ് കൊറിയോഗ്രഫിയും സോബിന് സംഗീതവും നിര്വഹിച്ചു. അഷ്റഫ് പെരിഞ്ഞനത്തിന്റേതാണ് വരികള്. നവനീത്, അനസ് പാടൂര്, സോബിന്, അഷിത ഹാരിസ് എന്നിവരാണ് ഗാനം ആലപിച്ചിരിക്കുന്നത്.
പ്രോഗ്രാം മിക്സിംഗ് & മാസ്റ്ററിംഗ്-ബിജു രാജൻ, റെക്കോർഡിംഗ്-ആന്റണി സണ്ണി, സിനി വേവ്സ് സ്റ്റുഡിയോ - ബഹ്റൈൻ, ക്രിയേറ്റീവ് സപ്പോർട്ട്-ഫയാസ് റഹ്മാൻ, ഫാസിൽ റാം, റാപ്പ്-ഹിജാസ്, നർത്തകർ-രഞ്ജു രൻഷ്, അഫ്സൽ ഖാൻ, ക്രിസ്റ്റോ, അച്ചു, രോഹിത്, മേഘ, മിഷ, മിസ്ന, ആയിഷ, ക്യാമറ-അസര് സിയ, അന്സര് ഷുക്കൂര്, പ്രശാന്ത് നായര്, ഹാരിസ് എകച്ചു എന്നിവരും ഷിജിത് അജയ്, പേൾ ബഹ്റൈൻ കുടുംബവും സുഹൃത്തുക്കളും ഗാനത്തിന് വേണ്ടി പ്രവര്ത്തിച്ചു.