മൂന്നാം സ്ഥാനം സ്വന്തമാക്കി ! ഖത്തറില്‍ നിന്ന് തലയുയര്‍ത്തി ക്രൊയേഷ്യയ്ക്ക് മടങ്ങാം; മൊറോക്കോ പൊരുതിത്തോറ്റു

ദോഹ: ഖത്തര്‍ ലോകകപ്പിലെ ലൂസേഴ്‌സ് ഫൈനലില്‍ ക്രൊയേഷ്യയ്ക്ക് ജയം. മൊറോക്കോയെ 2-1 നാണ് ക്രൊയേഷ്യ തോല്‍പിച്ചത്. ശക്തമായ പോരാട്ടവീര്യം മൊറോക്കോ പുറത്തെടുത്തെങ്കിലും അന്തിമ വിജയം ക്രൊയേഷ്യയ്ക്ക് ഒപ്പം നിന്നു.

ഖലീഫ ഇന്റര്‍നാഷണല്‍ സ്റ്റേഡിയത്തില്‍ നടന്ന മത്സരത്തില്‍ ഏഴാം മിനിറ്റില്‍ ജോസ്‌കോ ഗ്വാര്‍ഡിയോള്‍ നേടിയ ഗോളിലൂടെ ക്രൊയേഷ്യയാണ് ആദ്യം മുന്നിലെത്തിയത്. തൊട്ടുപിന്നാലെ ഒമ്പതാം മിനിറ്റില്‍ അച്‌റഫ് ദരി നേടിയ ഗോളിലൂടെ മൊറോക്കോ മറുപടി നല്‍കി. 42-ാം മിനിറ്റില്‍ മിസ്ലാവ് ഒസിച്ച് നേടിയ ഗോളിലൂടെ ക്രൊയേഷ്യ വീണ്ടും മുന്നിലെത്തുകയായിരുന്നു.