ആദ്യം മെസി, പിന്നാലെ ഡി മരിയ ! അര്‍ജന്റീന രണ്ട് ഗോളിന് മുന്നില്‍

ദോഹ: ഖത്തര്‍ ലോകകപ്പിലെ ഫൈനല്‍ പോരാട്ടത്തില്‍ രണ്ട് ഗോളിന്റെ ലീഡുമായി ആധിപത്യം ഉറപ്പിച്ച് അര്‍ജന്റീന. 36-ാം മിനിറ്റില്‍ എയ്ഞ്ചല്‍ ഡി മരിയയാണ് അര്‍ജന്റീനയുടെ രണ്ടാം ഗോള്‍ നേടിയത്. മക് അലിസ്റ്റര്‍ നല്‍കിയ തകര്‍പ്പന്‍ പാസ് വലയിലെത്തിക്കുകയായിരുന്നു ഡി മരിയ.

23-ാം മിനിറ്റില്‍ ലഭിച്ച പെനാല്‍റ്റി വലയിലെത്തിച്ച് സൂപ്പര്‍ താരം ലയണല്‍ മെസിയാണ് അര്‍ജന്റീനയ്ക്ക് ആദ്യ ഗോള്‍ സമ്മാനിച്ചത്. ബോക്‌സിനകത്തേക്ക് കുതിച്ച എയ്ഞ്ജല്‍ ഡി മരിയയെ ഔസ്മാനെ ഡെംബലെ വീഴ്ത്തിയതിനെത്തുടര്‍ന്ന് അര്‍ജന്റീനയ്ക്ക് റഫറി പെനാല്‍റ്റി അനുവദിക്കുകയായിരുന്നു. കിക്കെടുത്ത മെസ്സി അനായാസം വലയിലെത്തിച്ചു.  ഈ ലോകകപ്പില്‍ മെസിയുടെ ആറാം ഗോളാണിത്.