സന്തോഷ് ട്രോഫിയില്‍ കേരളത്തിന് 'സന്തോഷ'ത്തുടക്കം; രാജസ്ഥാനെ തകര്‍ത്തത് എതിരില്ലാത്ത ഏഴ് ഗോളുകള്‍ക്ക്‌

കോഴിക്കോട്: സന്തോഷ് ട്രോഫിയില്‍ കേരളത്തിന് കിടിലന്‍ തുടക്കം. ആദ്യ മത്സരത്തില്‍ രാജസ്ഥാനെ എതിരില്ലാത്ത ഏഴ് ഗോളുകള്‍ക്കാണ് കേരളം അടിയറവ് പറയിച്ചത്. വിഘ്നേഷും നരേഷും റിസ്വാനും ഇരട്ടഗോൾ നേടി. നിജോ ഗിൽബർട്ടും ഗോൾ നേടി. ഈ വിജയത്തോടെ കേരളം ഗ്രൂപ്പ് രണ്ടില്‍ ഒന്നാമതെത്തി. അടുത്ത മത്സരത്തില്‍ ഡിസംബര്‍ 29 ന് ബിഹാറാണ് കേരളത്തിന്റെ എതിരാളികൾ.