/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/9XuXMZVPGRb9s5XrHF21.jpg "publive-image")
രാജ്‌കോട്ട്: മൂന്നാം ടി20യില്‍ ഇന്ത്യയ്‌ക്കെതിരെ ശ്രീലങ്കയ്ക്ക് റണ്‍സ് 229 വിജയലക്ഷ്യം. ടോസ് നേടി ബാറ്റിംഗ് തിരഞ്ഞെടുത്ത ഇന്ത്യ 20 ഓവറില്‍ അടിച്ചെടുത്തത് അഞ്ച്‌ വിക്കറ്റ് നഷ്ടത്തില്‍ 228 റണ്‍സ്.
വെടിക്കെട്ട് ബാറ്റിംഗ് പ്രകടനത്തിലൂടെ സെഞ്ചുറി നേടിയ സൂര്യകുമാര്‍ യാദവാണ് ഇന്ത്യയെ കൂറ്റന്‍ സ്‌കോറിലെത്തിച്ചത്. 45 പന്തില്‍ താരം സെഞ്ചുറി തികച്ചു. പുറത്താകാതെ 51 പന്തില്‍ നേടിയത് 112 റണ്‍സ്.
കരിയറിലെ രണ്ടാം അന്താരാഷ്ട്ര മത്സരം കളിക്കുന്ന രാഹുല്‍ ത്രിപാഠി 16 പന്തില്‍ 35 റണ്‍സെടുത്ത് നിര്‍ണായക സംഭാവന നല്‍കി. ശുഭ്മാന്‍ ഗില്‍ 36 പന്തില്‍ 46 റണ്‍സെടുത്തു. അക്‌സര്‍ പട്ടേല്‍ ഒമ്പത് പന്തില്‍ 21 റണ്‍സെടുത്ത് പുറത്താകാതെ നിന്നു.
ഇഷന്‍ കിഷന്‍-രണ്ട് പന്തില്‍ ഒന്ന്, ഹാര്‍ദ്ദിക് പാണ്ഡ്യ-നാല് പന്തില്‍ നാല്, ദീപക് ഹൂഡ-രണ്ട് പന്തില്‍ നാല് എന്നിവര്‍ക്ക് തിളങ്ങാനായില്ല. ശ്രീലങ്കയ്ക്ക് വേണ്ടി ദില്‍ഷന്‍ മധുശങ്ക രണ്ട് വിക്കറ്റ് വീഴ്ത്തി. കസുന്‍ രജിത, ചമിക കരുണരത്‌നെ, വനിന്ദു ഹസരങ്ക എന്നിവര്‍ ഓരോ വിക്കറ്റ് വീതം വീഴ്ത്തി. കസുന്‍ രജിതതയും, വനിന്ദു ഹസരങ്കയും ഒഴികെയുള്ള ഒഴികെയുള്ള ബൗളര്‍മാരെല്ലാം 40 റണ്‍സിന് മുകളില്‍ വിട്ടുകൊടുത്തു.