12-ജനറേഷന്‍ ഇന്റല്‍ കോര്‍ പ്രോസസറുകളുടെ അപ്‌ഡേഷനുമായി ഡെല്‍ എക്‌സ്പിഎസ് 15, എക്‌സ്പിഎസ് 17 ലാപ്‌ടോപ്പുകള്‍

ഡെല്‍ എക്‌സ്പിഎസ് 15, എക്‌സ്പിഎസ് 17 12-ജനറേഷന്‍ ഇന്റര്‍കോര്‍ പ്രോസസറുകള്‍ ഉപയോഗിച്ച് അപ്‌ഡേറ്റ് ചെയ്തു. ഡെല്‍ എക്‌സ്പിഎസ് 15 (9520), എക്‌സ്പിഎസ് 17 (9720) എന്നിവ 12-ജനറേഷന്‍ ഇന്റര്‍കോര്‍ പ്രോസസറുകള്‍പ്രോസസറുകളോടൊപ്പം 64 ജിബി വരെ റാമുമായാണ് എത്തുന്നത്.

പുതിയ ഡെൽ ലാപ്‌ടോപ്പുകൾ ഓപ്‌ഷണൽ ടച്ച്‌സ്‌ക്രീനുകളും ഡെഡിക്കേറ്റഡ് ഗ്രാഫിക്സും സഹിതമാണ് വരുന്നത്. ഡെല്‍ എക്‌സ്പിഎസ് 15 (9520)ല്‍ 'എൻവിഡിയ ജിഫോഴ്‌സ് ആർടിഎക്‌സ് 3060' ഗ്രാഫിക്‌സും ലഭ്യമാണ്. രണ്ട് പുതിയ ഡെല്‍ എക്‌സ്പിഎസ് മോഡലുകളുടെയും മറ്റ് സവിശേഷതകൾ അവയുടെ മുൻഗാമികളോട് സാമ്യമുള്ളതാണ്.

Dell XPS 15 (9520) വില $1,449 (ഏകദേശം 1,10,400 രൂപ) മുതൽ ആരംഭിക്കുന്നു, അതേസമയം Dell XPS 17 (9720) $1,849 (ഏകദേശം 1,40,900 രൂപ) മുതൽ ആരംഭിക്കുന്നു. രണ്ടും ഡെൽ യുഎസ് വെബ്‌സൈറ്റിൽ നിന്നും രാജ്യത്തെ മറ്റ് സെയിൽസ് ചാനലുകൾ വഴിയും വാങ്ങാൻ ലഭ്യമാണ്.

എന്നിരുന്നാലും, എൻവിഡിയ ജിഫോഴ്‌സ് ആർടിഎക്‌സ് 3060 ഗ്രാഫിക്‌സുള്ള ഡെൽ എക്‌സ്‌പിഎസ് 17 (9720) ന്റെ ടോപ്പ്-എൻഡ് വേരിയന്റ് ഇതുവരെ വിൽപ്പനയ്‌ക്കെത്തിയിട്ടില്ല. പുതിയ ഡെല്‍ എക്‌സ്പിഎസ് മോഡലുകളുടെ ഇന്ത്യയിലെ വിലയും ലഭ്യതയും സംബന്ധിച്ച വിശദാംശങ്ങൾ ഇതുവരെ വെളിപ്പെടുത്തിയിട്ടില്ല.