അവിറ്റ സാറ്റസ്‌ അൾട്ടിമസ് ലാപ്‌ടോപ്പിന്‌ വില 29,990 മാത്രം; മെയ്ഡ് ഇന്ത്യ ലാപ്‌ടോപ്പുമായി അവിറ്റ

യുഎസ് ആസ്ഥാനമായുള്ള ലൈഫ്‌സ്‌റ്റൈൽ ഗാഡ്‌ജെറ്റ് ബ്രാൻഡായ അവിറ്റ ഇന്ത്യയിൽ പുതിയ അവിറ്റ സാറ്റസ്‌ അൾട്ടിമസ് ലാപ്‌ടോപ്പ് അവതരിപ്പിക്കുന്നതായി പ്രഖ്യാപിച്ചു. അവിറ്റ സാറ്റസ്‌ അൾട്ടിമസ് ലാപ്‌ടോപ്പ് പൂർണ്ണമായും ഇന്ത്യയിൽ നിർമ്മിച്ചതാണ്. ദിവസം മുഴുവൻ ബാറ്ററി ലൈഫ് നൽകുന്നതായിരിക്കും ഇത്. ഇത് എഫ്എച്ച്ഡി ആന്റി-ഗ്ലെയർ ഐപിഎസ് ഡിസ്പ്ലേയാണുള്ളത്.

വിൻഡോസ് 11 ഒഎസിൽ പ്രവർത്തിക്കും, ഇന്റൽ സെലറോൺ പ്രോസസറായിരിക്കും ഇത് പ്രവർത്തിപ്പിക്കുക. ഇതിൽ സ്റ്റീരിയോ സ്പീക്കറുകൾ, ഡ്യുവൽ മൈക്കോടുകൂടിയ സംയോജിത എച്ച്‌ഡി ക്യാമറ, അപ്‌ഗ്രേഡബിൾ എസ്എസ്ഡി എന്നിവയും ഉണ്ടായിരിക്കും.

“പുതിയ അവിറ്റ അൾട്ടിമസ് അവതരിപ്പിച്ചുകൊണ്ട് പ്രാദേശിക സംരംഭങ്ങളുടെയും സ്വാശ്രയത്വത്തിന്റെയും ‘മെയ്ക്ക് ഇൻ ഇന്ത്യ’ നയം കെട്ടിപ്പടുക്കുന്നതിൽ ഞങ്ങൾക്ക് സന്തോഷമുണ്ട്,” ദക്ഷിണേഷ്യ & എംഇഎ, നെക്‌സ്‌റ്റ്‌ഗോ കമ്പനി ലിമിറ്റഡ് റീജിയണൽ ബിസിനസ് ഡയറക്ടർ സീമ ഭട്‌നാഗർ പറഞ്ഞു.

ഐടി ഹാർഡ്‌വെയറിനായുള്ള പ്രൊഡക്ഷൻ ലിങ്ക്ഡ് ഇൻസെന്റീവ് സ്കീമിന് കീഴിൽ പ്രോത്സാഹനം നൽകുകയും ഇന്ത്യാ ഗവൺമെന്റ് പ്രോത്സാഹിപ്പിക്കുകയും ചെയ്യുന്ന മേക്ക് ഇൻ ഇന്ത്യ സംരംഭങ്ങളോടുള്ള പ്രതിബദ്ധത പാലിക്കുന്നതിനുള്ള പനാഷെയുടെ പദ്ധതികൾക്ക് ഈ ഓർഡർ പ്രചോദനം നൽകുമെന്ന് പനാഷെ ഡിജിലൈഫ് ലിമിറ്റഡിന്റെ ജോയിന്റ് മാനേജിംഗ് ഡയറക്ടർ നികിത് രംഭിയ പറഞ്ഞു.

മാറ്റ് ബ്ലാക്ക്, സ്‌പേസ് ഗ്രേ, ക്ലൗഡ് സിൽവർ, ഷാംപെയ്ൻ ഗോൾഡ്, ഷാംറോക്ക് ഗ്രീൻ, ഷുഗർ റെഡ് എന്നീ ആറ് നിറങ്ങളിൽ ഡിവൈസ്‌ ലഭ്യമാകും. ലാപ്‌ടോപ്പിന്റെ വില MRP ₹29,990-ൽ ആരംഭിക്കുന്നു.