കേന്ദ്ര ഹജ്ജ് കമ്മിറ്റി അപേക്ഷ ക്ഷണിച്ചു; ഡിസംബര്‍ 20 വരെ ഓണ്‍ലെെന്‍ അപേക്ഷ സമര്‍പ്പിക്കാം

ന്യൂഡല്‍ഹി: 2023 ലെ ഹജ്ജ് നയം തന്നെ അംഗീകരിച്ച് കൊണ്ട് ഹജ്ജ് കമ്മിറ്റി ഓഫ് ഇന്ത്യ 2024 ലെ ഹജ്ജ് തീര്‍ത്ഥാടനത്തിന് പോകാന്‍ ഉദ്ദേശിക്കുന്നവരില്‍ നിന്ന് അപേക്ഷ ക്ഷണിച്ചു. ഡിസംബര്‍ 4 മുതല്‍ 20 വരെ ഹജ്ജ് കമ്മിറ്റി വെബ്സെെറ്റായ www.hajCommittee.gov.in എന്ന ലിങ്കിലൂടെയോ *Haj Suvidha എന്ന ആന്‍ഡ്രോയിഡ്  ആപ്പിലൂടെയോ ഓണ്‍ലെെന്‍ അപേക്ഷ സമര്‍പ്പിക്കാം. Google Paly Store ല്‍ നിന്ന് ഈ ആപ് ഡൗണ്‍ലോഡ് ചെയ്യാവുന്നതാണ്.

അപേക്ഷകര്‍ക്ക് 20-12-2023 ന് മുമ്പ് ഇഷ്യൂ ചെയ്തതും 31-1-2025 വരെ വാലിഡിറ്റിയുള്ളതുമായ പാസ്പോര്‍ട്ട് ഉള്ളവരാകണം. കേരളത്തിലെ മൂന്ന് പുറപ്പെടല്‍ കേന്ദ്രങ്ങളായ കോഴിക്കോട്, കണ്ണൂര്‍, കൊച്ചി എന്നീ വിമാനത്താവളങ്ങളിലൊന്ന് തെരഞ്ഞെടുക്കാം. ഇ​വ​യു​ള്‍പ്പെ​ടെ രാ​ജ്യ​ത്താ​കെ 25 പു​റ​പ്പെ​ട​ല്‍ കേ​ന്ദ്ര​ങ്ങ​ളാ​ണു​ണ്ടാ​കും.

2023 ലെ ഹജ്ജ് നയത്തില്‍ കാ​ര്യ​മാ​യ മാ​റ്റ​ങ്ങ​ളി​ല്ലാ​തെ​യാ​ണ് 2024 ഹജ്ജ് ന​യം പ്ര​ഖ്യാ​പി​ച്ചി​രി​ക്കു​ന്ന​ത്. കു​ട്ടി​ക​ള്‍ക്ക് തീ​ര്‍ഥാ​ട​ന​ത്തി​നു​ള്ള വി​ല​ക്ക് നീ​ക്കി​യെ​ന്ന​താ​ണ് ഏ​റെ ശ്ര​ദ്ധേ​യം. കോ​വി​ഡി​നെ​ത്തു​ട​ര്‍ന്ന് ഏ​ര്‍പ്പെ​ടു​ത്തി​യ നി​യ​ന്ത്ര​ണ​മാ​ണ് നീ​ക്കി​യ​ത്. ഒ​രു ക​വ​റി​ല്‍ നാ​ല് മു​തി​ര്‍ന്ന​വ​ര്‍ക്കും ര​ണ്ട് കു​ട്ടി​ക​ള്‍ക്കും സം​സ്ഥാ​ന ഹ​ജ്ജ് ക​മ്മി​റ്റി​ക​ള്‍ മു​ഖേ​ന അ​പേ​ക്ഷി​ക്കാം.

മു​തി​ര്‍ന്ന പൗ​ര​ന്മാ​ര്‍ക്കും പു​രു​ഷ​ന്മാ​ര്‍ കൂ​ടെ​യി​ല്ലാ​ത്ത വ​നി​ത​ക​ള്‍ക്കു​മു​ള്ള (Without Mehram Catogary) മു​ന്‍ഗ​ണ​ന ഇ​ത്ത​വ​ണ​യും തു​ട​രും. 45 വയസ്സ് തികഞ്ഞ നാല് സ്ത്രീകള്‍ക്ക് ഈ കാറ്റഗറിയില്‍ അപേക്ഷിക്കാം. 70 വ​യ​സ്സി​ന് മു​ക​ളി​ലു​ള്ള​ മുതിര്‍ന്ന പൗരന്‍മാര്‍ക്ക് ന​റു​ക്കെ​ടു​പ്പി​ല്ലാ​തെ​യാ​ണ് അ​വ​സ​രം ന​ല്‍കു​ക. അവരുടെ കൂടെ അടുത്ത ബന്ധുക്കളില്‍ പെട്ട ഒരു സഹായി നിര്‍ബന്ധമായും  വേണം.

ഈ രണ്ട് വിഭാഗത്തില്‍ ഉള്‍പ്പെടാത്തവര്‍ ജനറല്‍ കാറ്റഗറിയായിരിക്കും. അപേക്ഷകരുടെ എണ്ണം കൂടുന്നതിനനുസരിച്ച് സ്വീകാര്യമായ അപേക്ഷകരില്‍ നിന്ന് നറുക്കെടുപ്പിലൂടെ തെരഞ്ഞെടുക്കും. കഴിഞ്ഞ വര്‍ഷം 1.7 ലക്ഷം ഹജ്ജ് തീര്‍ത്ഥാടകര്‍ക്കാണ് സൗദി അറേബ്യ ഇന്ത്യയില്‍ നിന്ന് അനുമതി നല്‍കിയിരുന്നത്. ഈ വര്‍ഷവും ഈ ക്വാട്ട തുടരുമെന്നാണ് പ്രതീക്ഷ. ആ​കെ ല​ഭി​ക്കു​ന്ന ഹജ്ജ് ​ക്വാ​ട്ട​യി​ല്‍ 80 ശ​ത​മാ​നം സംസ്ഥാ​ന​ ഹജ്ജ് കമ്മിറ്റികള്‍ക്കും 20 ശത​മാ​നം സ്വകാര്യ ഹജ്ജ് ഗ്രൂ​പ്പു​ക​ള്‍ക്കും അ​നു​വ​ദി​ക്കും. ക​ര​ട് ന​യ​ത്തി​ല്‍ സം​സ്ഥാ​ന ക​മ്മി​റ്റി​ക​ളു​ടെ അ​ഭി​പ്രാ​യ​ങ്ങ​ളും നി​ര്‍ദേ​ശ​ങ്ങ​ളും പ​രി​ഗ​ണി​ച്ച​ശേ​ഷം 2024ലെ ഹജ്ജ് മാര്‍ഗനിര്‍ദ്ദേശങ്ങള്‍ ഉടന്‍ പു​റ​ത്തി​റ​ക്കും.

അപേക്ഷ സമര്‍പ്പിക്കുന്നതിന് ഹജ്‌ജ് കമ്മിറ്റിയുടെ മാര്‍ഗനിര്‍ദ്ദേശങ്ങള്‍ മനസ്സിലാക്കണമെന്ന് ഹജ്‌ജ് കമ്മിറ്റി സര്‍ക്കുലറില്‍ ആവശ്യപ്പെട്ടു. കേരള സംസ്ഥാന ഹജ്ജ് കമ്മിറ്റിയുടെ കീഴില്‍ പരിശീലനം ലഭിച്ച ഹജ്ജ് ട്രെെനര്‍മാര്‍ അപേക്ഷകരെ സഹായിക്കും. ഇത് സംബന്ധമായ അറിയിപ്പ് സംസ്ഥാന ഹജ്ജ് കമ്മിറ്റിയില്‍ ഉടനെയുണ്ടാകുമെന്നറിയുന്നു.