കണ്ണൂർ വിമാനത്താവളത്തിൽ 10 ലക്ഷം രൂപയുടെ സ്വർണം പിടികൂടി

കണ്ണൂർ വിമാനത്താവളത്തിൽ വീണ്ടും സ്വർണവേട്ട.  അനധികൃതമായി കടത്താൻ ശ്രമിച്ച 10 ലക്ഷം രൂപ മൂല്യമുള്ള സ്വർണം പിടികൂടി. കണ്ണൂർ എയർപോർട്ട് പൊലീസാണ് പിടികൂടിയത്. പ്രതിയിൽ നിന്ന് 221 ഗ്രാം സ്വർണം കണ്ടെടുത്തു. വിമാനത്താവളത്തിൽ പരിശോധനയ്ക്ക് ശേഷം പുറത്തിറങ്ങിയ യാത്രക്കാരനെയാണ് പൊലീസ് അറസ്റ്റ് ചെയ്തത്. കാസർഗോഡ് ബന്തടുക്ക സ്വദേശി അഹമ്മദ് കബീറാണ് പിടിയിലായത്.