കോട്ടയം സ്വദേശി ഖത്തറില്‍ വാഹനാപകടത്തില്‍ മരിച്ചു

ഖത്തര്‍: കോട്ടയം സ്വദേശി ഖത്തറില്‍ വാഹനാപകടത്തില്‍ മരിച്ചു ചൊവ്വാഴ്ച പുലര്‍ച്ചെ ദുഖാന്‍ ഹൈവേയിലുണ്ടായ അപകടത്തില്‍ വൈക്കം വല്ലകം ചെമ്മനത്തുകര ഒഴവൂര്‍ വീട്ടില്‍ ജോയ് മാത്യു ആണ് മരിച്ചത്. 

മാധ്യമ പ്രവര്‍ത്തക ശ്രീദേവി ജോയുടെ (മലയാള മനോരമ - കോട്ടയം) ഭര്‍ത്താവാണ്. പിതാവ്: മാത്യു. മാതാവ് തങ്കമ്മ മാത്യു.

13 വര്‍ഷത്തോളമായി ഖത്തറിലുള്ള ജോയ് മാത്യു ഇവന്റ് മാനേജ്‌മെന്റ് മേഖലയില്‍ ജോലി ചെയ്യുകയായിരുന്നു. ജോലി ആവശ്യാര്‍ത്ഥം ഷാഹാനിയയില്‍ പോയി മടങ്ങി വരും വഴി പുലര്‍ച്ചെ മൂന്ന് മണിയോടെ ദുഖാന്‍ റോഡില്‍ വെച്ച് ട്രക്കിനു പിറകില്‍ കാറിടിച്ചായിരുന്നു അപകടം.

ഇന്‍ഡസ്ട്രിയല്‍ ഏരിയയിലെ ഹമദ് മെഡിക്കല്‍ കോര്‍പറേഷന്‍ ആശുപത്രി മോര്‍ച്ചറിയില്‍ സൂക്ഷിച്ച മൃതദേഹം  നടപടികള്‍ പൂര്‍ത്തിയാക്കിയ ശേഷം നാട്ടിലെത്തിക്കും.