സിട്രോൺ C3 എയർക്രോസ് പുറത്തിറക്കി ഫ്രഞ്ച് വാഹന ബ്രാൻഡായ സിട്രോൺ

സിട്രോൺ C3 എയർക്രോസ് കമ്പനി അടുത്തിടെ പുറത്തിറക്കി. ഹ്യുണ്ടായ് ക്രെറ്റ, കിയ സെൽറ്റോസ്, മാരുതി ഗ്രാൻഡ് വിറ്റാര, ടൊയോട്ട ഹെയ്‌റൈഡർ, ഹോണ്ട എലിവേറ്റ്, ടൈഗൺ, കുഷാക്ക്, ആസ്റ്റർ തുടങ്ങിയ എതിരാളികളുമായി താരതമ്യപ്പെടുത്തുമ്പോൾ, സിട്രോൺ സി3 എയർക്രോസ് മാത്രമാണ് ഏഴ് സീറ്റർ.

ഈ എസ്‌യുവിക്ക് കമ്പനി വൻ കിഴിവുകൾ വാഗ്ദാനം ചെയ്യുകയാണ് കമ്പനി എന്നാണ് റിപ്പോര്‍ട്ടുകൾ. വിൽപ്പന വർധിപ്പിക്കുന്നതിനായി, സിട്രോൺ ഡീലർമാർ C3 എയർക്രോസിന് 2.62 ലക്ഷം രൂപ വരെ വൻ കിഴിവുകൾ വാഗ്ദാനം ചെയ്യുന്നു. സിട്രോൺ സി3 എയർക്രോസിന്‍റെ മിഡ്-സ്പെക്ക് പ്ലസ് ട്രിമ്മിൽ മാത്രമേ ഈ കിഴിവ് ബാധകമാകൂ.

സിട്രോൺ C3 എയർക്രോസിൻ്റെ പ്ലസ് ട്രിമ്മിൻ്റെ എക്സ്-ഷോറൂം  വില 11.61 ലക്ഷം രൂപയിൽ ആരംഭിക്കുന്നു. 2.62 ലക്ഷം രൂപ കിഴിവോടെ, മിഡ്-സ്പെക്ക് പ്ലസ് ട്രിമ്മിൻ്റെ വില ഇപ്പോൾ 8.99 ലക്ഷം രൂപയിൽ ആരംഭിക്കുന്നു. അടിസ്ഥാന യു ട്രിമ്മിൽ കിഴിവ് ഇല്ല. ഇപ്പോഴും അതിൻ്റെ വില 9.99 ലക്ഷം രൂപയാണ് എക്സ്-ഷോറൂം വില.

ഈ കിഴിവ് ഓഫറിനെക്കുറിച്ച് കൂടുതൽ വിവരങ്ങൾ വേണമെങ്കിൽ, നിങ്ങളുടെ അടുത്തുള്ള ഷോറൂമുമായി ബന്ധപ്പെടാം. 2024 മെയ് മാസത്തിലെ C3 എയർക്രോസിൻ്റെ വിൽപ്പന പ്രകടനം പരിശോധിച്ചാൽ ഈ 3-ലൈൻ എസ്‌യുവിയുടെ 125 യൂണിറ്റുകൾ മാത്രമാണ് കഴിഞ്ഞ മാസം വിറ്റത്, ഇത് ഒരു മാസം മുമ്പ് 2024 മാർച്ചിൽ വിറ്റ 93 യൂണിറ്റുകളേക്കാൾ താരതമ്യേന മികച്ചതാണ്.