എക്സ്ചേഞ്ചിലൂടെ ഐഫോണുകള്‍ സ്വന്തമാക്കാൻ ഇപ്പോൾ അവസരം

പഴയ ഐഫോണുകള്‍ നല്‍കി പുതിയ ഐഫോണ്‍ സ്വന്തമാക്കാന്‍ എക്‌സ്ചേഞ്ച് സംവിധാനത്തിലൂടെ സാധിക്കും. പഴയ ഫോണ്‍ മികച്ച കണ്ടീഷനിലുള്ളതാണെങ്കില്‍ അതിന് മികച്ച വില ലഭിക്കുകയും പുതിയ ഐഫോണ്‍ ചെറിയ പൈസമുടക്കോടെ വാങ്ങാനാവുകയും ചെയ്യുന്നത് ആപ്പിള്‍ പ്രേമികളെ സന്തോഷിപ്പിക്കുന്ന കാര്യമാണ്. സാംസങ്, വണ്‍പ്ലസ്, ഗൂഗിള്‍ റെഡ്‌മി എന്നിവയുടെ ആന്‍ഡ്രോയ്‌ഡ് ഫോണുകള്‍ എക്സ്ചേഞ്ച് ചെയ്‌ത് ഐഒഎസ് പ്ലാറ്റ്‌ഫോമിലുള്ള ഐഫോണുകള്‍ വാങ്ങാവുന്നതാണ്.

1,020 രൂപ മുതല്‍ പഴയ ആന്‍ഡ്രോയ്‌ഡ് ഫോണുകള്‍ക്ക് ആപ്പിള്‍ ട്രേഡ് ഇന്നില്‍ ലഭിക്കും. ഏറ്റവും ഉയര്‍ന്ന ട്രേഡ് ഇന്‍ വാല്യൂ ഉള്ള ഗ്യാലക്സി സ്സെഡ് ഫോള്‍ഡ് 5 ന് 46,800 രൂപയും, സാംസങ് ഗ്യാലക്സി എസ്23 അള്‍ട്രയ്ക്ക് 41,000 രൂപയും വരെ എക്സ്ചേഞ്ചില്‍ ലഭിക്കും. ട്രേഡ് ഇന്‍ മൂല്യമുള്ള ആന്‍ഡ്രോയ്‌ഡ് ഫോണുകളുടെ പട്ടിക ആപ്പിള്‍ കമ്പനി വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. 

സാംസങ് ഗ്യാലക്‌സി എസ്23 അള്‍ട്ര, സാംസങ് ഗ്യാലക്‌സി എസ് 23+, സാംസങ് ഗ്യാലക്‌സി എസ് 23, സാംസങ് ഗ്യാലക്സി എസ് 22 5ജി, സാംസങ് ഗ്യാലക്സി എസ് 21 5ജി, സാംസങ് ഗ്യാലക്സി എസ് 21 എഫ്ഇ 5ജി, സാംസങ് ഗ്യാലക്സി എസ് 20, സാംസങ് ഗ്യാലക്സി എസ്20 എഫ്ഇ 5ജി, ഗ്യാലക്സി സ്സെഡ് ഫോള്‍ഡ്5, സാംസങ് ഗ്യാലക്സി നോട്ട് 20, സാംസങ് ഗ്യാലക്സി നോട്ട്10, സാംസങ് ഗ്യാലക്സി എം 32 5ജി, സാംസങ് ഗ്യാലക്സി എം31 തുടങ്ങിയവയാണ് ട്രേഡ് ഇന്‍ സൗകര്യമുള്ള ആന്‍ഡ്രോയ്‌ഡ് ഫോണുകള്‍.