എക്‌സ് ബ്ലേഡ് മോട്ടോർസൈക്കിളിൻ്റെ വിൽപ്പന നിർത്തിവച്ച് ഹോണ്ട

ഹോണ്ടയുടെ എക്‌സ് ബ്ലേഡ് മോട്ടോർസൈക്കിളിൻ്റെ വിൽപ്പന നിർത്തിവച്ചതായി റിപ്പോര്‍ട്ട്. കമ്പനി ഔദ്യോഗിക വെബ്‌സൈറ്റിൽ നിന്ന് ഇത് നീക്കം ചെയ്തു. കഴിഞ്ഞ കുറച്ച് മാസങ്ങളായി ഈ ബൈക്ക് വളരെ കുറവാണ് വിറ്റത്. അതിനാൽ, നിർത്തിലാക്കുന്നതിന് പിന്നിലെ ഏറ്റവും വലിയ കാരണം വിൽപ്പന കുറവാണെന്നാണ് കരുതുന്നത്. ബജാജ് പൾസർ, ടിവിഎസ് അപ്പാച്ചെ തുടങ്ങിയ മോഡലുകൾക്ക് ആവശ്യക്കാരേറെയാണ്. കമ്പനി ഈ ബൈക്കിനെ 2018 ലാണ് ആദ്യമായി വിപണിയിൽ അവതരിപ്പിച്ചത്. 

ശേഷിക്കുന്ന സ്റ്റോക്ക് വലിയ കിഴിവോടെ വിറ്റഴിക്കാനാണ് സാധ്യത എന്നാണ് റിപ്പോർട്ടുകൾ. അതുകൊണ്ടുതന്നെ നിങ്ങളുടെ അടുത്തുള്ള ഹോണ്ട ഡീലർഷിപ്പിൽ പോയി ഈ ബൈക്കിന് ലഭ്യമായ വിലക്കിഴിവുകൾ കണ്ടെത്താം. ഹോണ്ട RSU ടെലിസ്‌കോപ്പിക് ഫ്രണ്ട് ഫോർക്ക്, റിയർ മോണോഷോക്ക് യൂണിറ്റ്, ഫ്രണ്ട്, സിംഗിൾ ചാനൽ എബിഎസ്, റിയർ ഡിസ്‌ക് ബ്രേക്ക് ഓപ്ഷനോട് കൂടിയ ഫീച്ചറുകളാണ് ബൈക്കിനുള്ളത്.

മാറ്റ് മാർവൽ ബ്ലൂ മെറ്റാലിക്, മാറ്റ് സ്റ്റീൽ ബ്ലാക്ക് മെറ്റാലിക്, സ്ട്രോൺഷ്യൽ സിൽവർ മെറ്റാലിക്, സ്‌പോർട്‌സ് റെഡ് എന്നീ നാല് കളർ ഓപ്ഷനുകളിൽ X-ബ്ലേഡ് വാങ്ങാം. ഏകദേശം 1.15 ലക്ഷം രൂപയാണ് എക്‌സ്-ബ്ലേഡിൻ്റെ ഇന്ത്യൻ വിപണിയിലെ പ്രാരംഭ എക്‌സ് ഷോറൂം വില. സിബി ഹോർണെറ്റ് 160R ൻ്റെ ആദ്യ തലമുറ മോഡലിനെ അടിസ്ഥാനമാക്കിയാണ് X-Blade ബൈക്ക് എത്തിയത്. ഈ ബൈക്ക് വളരെ ഷാർപ്പായതും സ്‍പോർട്ടിയുമായ ഡിസൈനിലാണ് വന്നത്.