ദുല്‍ഖര്‍ സല്‍മാന്‍ നായകനായ തെലുങ്ക് ചിത്രം ലക്കി ഭാസ്കര്‍ ഏറ്റവും പ്രേക്ഷകപ്രീതി നേടിയ ചിത്രങ്ങളില്‍ ഒന്നാണ്. ഓഗസ്റ്റ് 31 ന് തിയറ്ററുകളിലെത്തിയ ചിത്രത്തിന്‍റെ ആദ്യ ദിന ആഗോള ഗ്രോസ് 12.07 കോടി ആയിരുന്നു. രണ്ടാം ദിനം അത് വര്‍ധിച്ച് 14.13 കോടിയിലേക്ക് എത്തി. മൂന്നാം ദിനം ചെറിയ താഴ്ച ഉണ്ടായി. വെങ്കി അറ്റ്ലൂരി രചനയും സംവിധാനവും നിര്‍വ്വഹിച്ച പിരീഡ് ക്രൈം ഡ്രാമ ചിത്രത്തില്‍ ടൈറ്റില്‍ കഥാപാത്രമാണ് ദുല്‍ഖര്‍.
റിലീസ് ദിന തലേന്നത്തെ പ്രിവ്യൂ ഷോകള്‍ മുതല്‍ മികച്ച അഭിപ്രായം നേടിയ ചിത്രം ബോക്സ് ഓഫീസിലും ഉഗ്രന്‍ പ്രകടനമാണ് നടത്തുന്നത്. ഇപ്പോഴിതാ ചിത്രത്തിന്‍റെ ആദ്യ വാരാന്ത്യ കളക്ഷന്‍ സംബന്ധിച്ച കണക്കുകള്‍ പുറത്തെത്തിയിട്ടുണ്ട്. 13.7 കോടി ആയിരുന്നു ചിത്രത്തിന്‍റെ ശനിയാഴ്ചത്തെ കളക്ഷന്‍. എന്നാല്‍ നാലാം ദിനമായ ഞായറാഴ്ച ചിത്രം റിലീസ് ചെയ്തതിന് ശേഷമുള്ള ഏറ്റവും മികച്ച കളക്ഷനാണ് നേടിയിരിക്കുന്നത്.
മഹാനടി, സീതാരാമം എന്നിവയ്ക്ക് ശേഷമുള്ള ദുല്‍ഖറിന്‍റെ തെലുങ്ക് റിലീസ് ആണിത്. ഇതിനിടെ പ്രഭാസ് നായകനായ കല്‍ക്കി 2898 എഡിയില്‍ അതിഥിതാരമായും ദുല്‍ഖര്‍ എത്തിയിരുന്നു. 15.5 കോടിയാണ് ആഗോള ബോക്സ് ഓഫീസില്‍ നിന്ന് ഞായറാഴ്ച ചിത്രം നേടിയിരിക്കുന്നത്. ലക്കി ഭാസ്കര്‍ കൂടി വിജയിക്കുന്നതോടെ തെലുങ്കില്‍ 100 ശതമാനം സക്സസ് റേറ്റ് ഉള്ള താരമായി മാറുകയാണ് ദുല്‍ഖര്‍. ആദ്യ വാരാന്ത്യത്തില്‍ ചിത്രം ആകെ നേടിയിരിക്കുന്നത് 55.4 കോടിയാണ്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/05/BsaO3qfwALwf65B0W8Ty.jpg)