സ്‍കോഡയിൽ നിന്നുള്ള ആദ്യത്തെ പൂർണ്ണ വലിപ്പമുള്ള എസ്‌യുവി അവതരിപ്പിച്ചു

സ്‍കോഡയിൽ നിന്നുള്ള ആദ്യത്തെ പൂർണ്ണ വലിപ്പമുള്ള എസ്‌യുവിയായ സ്കോഡ കൊഡിയാക് ആദ്യമായി ഇന്ത്യയിൽ അവതരിപ്പിച്ചു. മോഡലിന് 2022 ജനുവരിയിൽ ആദ്യത്തെ മിഡ്-ലൈഫ് അപ്‌ഡേറ്റ് ലഭിച്ചു.  തുടർന്ന് 2023 മെയ് മാസത്തിൽ ബിഎസ് 6 ഫേസ് 2 എഞ്ചിൻ അപ്‌ഗ്രേഡും ലഭിച്ചു. എംക്യുബി-ഇവോ പ്ലാറ്റ്‌ഫോമിനെ അടിസ്ഥാനമാക്കി, ബ്രാൻഡിൻ്റെ പുതിയ 'മോഡേൺ സോളിഡ്' ഡിസൈൻ ഫിലോസഫിയുമായി പൊരുത്തപ്പെടുന്ന ഒരു പുതിയ തനത് ഡിസൈൻ, അടുത്ത തലമുറ സ്‌കോഡ കൊഡിയാക്കിന് ലഭിക്കുന്നു.

നിലവിലെ തലമുറയേക്കാൾ ഇത് കൂടുതൽ പരുക്കനായി കാണപ്പെടുന്നു. എസ്‌യുവിയിൽ ഒരു ഷഡ്ഭുജാകൃതിയിലുള്ള ഗ്രിൽ, സ്‌കോഡയുടെ പുതിയ ലോഗോ, പുതിയ സ്‌പ്ലിറ്റ് ഹെഡ്‌ലാമ്പ് സജ്ജീകരണം, പുതുക്കിയ ബമ്പർ, വേറിട്ട ബോണറ്റ്, മുൻവശത്ത് ഉടനീളം പ്രവർത്തിക്കുന്ന എൽഇഡി ലൈറ്റ് സ്ട്രിപ്പ് എന്നിവ ഉൾപ്പെടുന്നു. പുതുതായി രൂപകല്പന ചെയ്ത 20 ഇഞ്ച് അലോയ് വീലുകളുള്ള ചതുരാകൃതിയിലുള്ള വീൽ ആർച്ചുകളും സി-പില്ലറിന് സമീപം പ്രൗൺസ് ചെയ്‍ത വിൻഡോലൈനുമുണ്ട്.

പിൻഭാഗം ട്വീക്ക് ചെയ്‌ത ബമ്പറും പുതിയ സി-ആകൃതിയിലുള്ള റാപ്പറൗണ്ട് എൽഇഡി ടെയിൽലാമ്പുകളും കൊണ്ട് വേറിട്ടതായി തോന്നുന്നു. മുൻഗാമിയുമായി താരതമ്യപ്പെടുത്തുമ്പോൾ, പുതിയ കൊഡിയാക് എസ്‌യുവിക്ക് 61 എംഎം ലിംഗറും 2791 എംഎം വീൽബേസും ഉണ്ട്. ഇത് എല്ലാ യാത്രക്കാർക്കും കൂടുതൽ ക്യാബിൻ സ്ഥലവും അധിക ബൂട്ട് സ്ഥലവും ഉറപ്പാക്കുന്നു. എസ്‌യുവിയുടെ പുതിയ മോഡൽ മൂന്നാം നിര സീറ്റുകളിൽ ഇരിക്കുന്നവർക്ക് 920 എംഎം ഹെഡ്‌റൂം നൽകുമെന്ന് സ്‌കോഡ പറയുന്നു.

പുനർരൂപകൽപ്പന ചെയ്ത കൺട്രോൾ സ്യൂട്ട്, പുതിയ ഫ്രീ സ്റ്റാൻഡിംഗ് ടച്ച്‌സ്‌ക്രീൻ, 10 ഇഞ്ച് ഡിജിറ്റൽ ഇൻഫർമേഷൻ ഡിസ്‌പ്ലേ എന്നിവ ഉൾപ്പെടെ പുതിയ സ്‌കോഡ സൂപ്പർബിൽ നിന്ന് പ്രചോദനം ഉൾക്കൊണ്ടാണ് പുതിയ സ്‌കോഡ കൊഡിയാകിൻ്റെ ഇൻ്റീരിയർ മാറ്റങ്ങൾ. നാല് ലളിതമായ 'ഡിസൈൻ സെലക്ഷൻ' ഇൻ്റീരിയർ പാക്കേജുകളും സുസ്ഥിരതയെ അടിസ്ഥാനമാക്കിയുള്ള 'ഇക്കോസ്യൂട്ടി'ൻ്റെ രണ്ട് വകഭേദങ്ങളും വാങ്ങുന്നവർക്ക് ലഭിക്കും.