വരാനിരിക്കുന്ന സബ് 4 മീറ്റർ എസ്‌യുവിയുടെ ഔദ്യോഗിക നാമം പ്രഖ്യാപിക്കാനൊരുങ്ങി സ്‌കോഡ

വരാനിരിക്കുന്ന സബ് 4 മീറ്റർ എസ്‌യുവിയുടെ ഔദ്യോഗിക നാമം പ്രഖ്യാപിക്കാൻ ചെക്ക് വാഹന ബ്രാൻഡായ സ്‌കോഡ ഓട്ടോ ഇന്ത്യ ഒരുങ്ങുകയാണ്. ഈ പുതിയ മോഡൽ 2025-ൻ്റെ ആദ്യ പാദത്തിൽ ബ്രാൻഡിൻ്റെ ഇന്ത്യ 2.0 പ്രോജക്‌റ്റിന് കീഴിൽ വരും. കുഷാക്ക്, സ്ലാവിയ എന്നിവയ്ക്ക് സമാനമായി, പുതിയ സ്‌കോഡ കോംപാക്റ്റ് എസ്‌യുവി MQB-A0-IN പ്ലാറ്റ്‌ഫോമിന് അടിവരയിടുമെങ്കിലും കുറഞ്ഞ വീൽബേസ് ഉണ്ടായിരിക്കും.

കോംപാക്റ്റ് എസ്‌യുവിക്ക് കിങ്ക്ഡ് ഗ്ലാസ് ഹൗസ് ഉണ്ടായിരിക്കും. സ്ലാവിയ, കുഷാക്ക് എന്നിവയുമായി മോഡൽ അതിൻ്റെ ചില സവിശേഷതകൾ പങ്കിടുമെന്ന് വിവിധ റിപ്പോര്‍ട്ടുകൾ സൂചിപ്പിക്കുന്നു. ഫ്ലോട്ടിംഗ് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, ഡിജിറ്റൽ ഇൻസ്ട്രുമെൻ്റ് ക്ലസ്റ്റർ, ആംബിയൻ്റ് ലൈറ്റിംഗ്, യുഎസ്‌ബി സി പോർട്ടുകൾ, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, മൾട്ടിപ്പിൾ എയർബാഗുകൾ എന്നിവയ്‌ക്കൊപ്പം എബിഎസ് വരുമെന്ന് പ്രതീക്ഷിക്കുന്നു. 

സ്റ്റോപ്പ് ഫംഗ്ഷൻ, റിയർ പാർക്കിംഗ് സെൻസറുകൾ, ഐസോഫിക്സ് ആങ്കറുകൾ, ടയർ പ്രഷർ മോണിറ്ററിംഗ് സിസ്റ്റം. 360 ഡിഗ്രി ക്യാമറ, ADAS സാങ്കേതികവിദ്യ തുടങ്ങിയ ഫീച്ചറുകളും ഓഫർ ചെയ്തേക്കാൻ സാധ്യതയുണ്ട്. വാഹനത്തിലെ എഞ്ചിൻ സജ്ജീകരണവും കുഷാക്കിൽ നിന്ന് കടമെടുക്കും. പുതിയ സ്കോഡ കോംപാക്ട് എസ്‌യുവി 1.0 എൽ, 3 സിലിണ്ടർ ടർബോ പെട്രോൾ എഞ്ചിനിൽ നിന്ന് ഊർജം നേടും, ഇത് 115 ബിഎച്ച്പി പവറും 178 എൻഎം ടോർക്കും പുറപ്പെടുവിക്കും. 

ഹ്യുണ്ടായ് വെന്യു, കിയ സോനെറ്റ്, മാരുതി സുസുക്കി ബ്രെസ്സ, മഹീന്ദ്ര XUV300, ടാറ്റ നെക്‌സോൺ എന്നിവയുൾപ്പെടെ സബ് 4 മീറ്റർ എസ്‌യുവികൾക്കെതിരെ ഇത് മത്സരിക്കും. സ്കോഡ അതിൻ്റെ നിലവിലുള്ള സ്ലാവിയ സെഡാനും കുഷാക്ക് മിഡ്‌സൈസ് എസ്‌യുവിയും 2025-ൽ അപ്‌ഡേറ്റ് ചെയ്യും. രണ്ട് മോഡലുകൾക്കും അകത്തും പുറത്തും കുറഞ്ഞ മാറ്റങ്ങൾ ലഭിക്കുമെന്ന് പ്രതീക്ഷിക്കുന്നു.