S1 X ഇലക്ട്രിക് സ്‍കൂട്ടറിന് അപ്ഡേറ്റ് അവതരിപ്പിച്ച് ഒല ഇലക്ട്രിക്

പുതിയ ഒല S1 X ൽ നൂതന റീജനറേറ്റീവ് ബ്രേക്കിംഗ് ഉൾപ്പെടുന്നു.  ഇത് സ്‍കൂട്ടർ യാത്ര ചെയ്യുമ്പോൾ ബാറ്ററി റീചാർജ് ചെയ്യാൻ സഹായിക്കുന്നു. ഫൈൻഡ് മൈ സ്‌കൂട്ടർ, റൈഡ് സ്റ്റാറ്റസ്, എനർജി ഇൻസൈറ്റുകൾ എന്നിവയാണ് മറ്റ് പുതിയ ഫീച്ചറുകൾ. ഒല S1 X-ൽ 3.5 ഇഞ്ച് എൽസിഡി സ്‌ക്രീൻ ഉണ്ട്, കൂടാതെ ടച്ച്‌സ്‌ക്രീൻ ഇൻസ്ട്രുമെൻ്റ് ക്ലസ്റ്ററിന് പകരം ഫിസിക്കൽ കീയും ഉണ്ട്. 

പൂർണ്ണമായി ചാർജ് ചെയ്യാൻ ഏകദേശം 7.4 മണിക്കൂർ ആവശ്യമാണ്. ഇത് 0-40 കി.മീ/മണിക്കൂറിൽ നിന്ന് 4.1 സെക്കൻഡ് ആക്സിലറേഷൻ സമയവും ആറ് കിലോവാട്ടിൻ്റെ പീക്ക് പവർ ഔട്ട്പുട്ടും വാഗ്ദാനം ചെയ്യുന്നു. ഇക്കോ, നോർമൽ, സ്‌പോർട്‌സ് എന്നിങ്ങനെ മൂന്ന് റൈഡിംഗ് മോഡുകൾ വാഗ്ദാനം ചെയ്യുന്ന സ്‌കൂട്ടറിന് മണിക്കൂറിൽ 85 കിലോമീറ്റർ വേഗത കൈവരിക്കാനാകും.

പുതിയ ഒല S1 X-ൽ രണ്ട് കിലോവാട്ട് ബാറ്ററി പായ്ക്ക് സജ്ജീകരിച്ചിരിക്കുന്നു. ഇത് ഒറ്റ ചാർജിൽ 91 കിലോമീറ്റർ സർട്ടിഫൈഡ് റേഞ്ച് നൽകുന്നു. സ്‍കൂട്ടറിൻ്റെ മൂന്ന് കിലോവാട്ട് പതിപ്പ്  രണ്ട് കിലോ വാട്ട് വേരിയൻ്റിൻ്റെ അതേ ചാർജിംഗ് സമയവും റൈഡിംഗ് മോഡുകളും സവിശേഷതകളും പങ്കിടുന്നു. പക്ഷേ ഈ പതിപ്പ് മെച്ചപ്പെട്ട ആക്സിലറേഷൻ സമയം, ടോപ്പ് സ്പീഡ്, റേഞ്ച് എന്നിവ വാഗ്ദാനം ചെയ്യുന്നു.