ഫെര്ട്ടിലൈസേഴ്സ് ആന്ഡ് കെമിക്കല്സ് ലിമിറ്റഡില് (ഫാക്ട്) അപ്രന്റിസ്ഷിപ്പ് പരിശീലനത്തിന് അവസരം. ഒരു വര്ഷമാണ് പരിശീലന കാലയളവ്. 7000 രൂപ പ്രതിമാസം സ്റ്റൈപ്പന്ഡായി ലഭിക്കും. വിവിധ ട്രേഡുകളിലായി ആകെ 98 ഒഴിവുണ്ട്.
ട്രേഡുകളും ഒഴിവും: ഫിറ്റര്- 24, മെക്കാനിസ്റ്റ്- 8, ഇലക്ട്രീഷ്യന്- 15, പ്ലംബര്- 4, മെക്കാനിക് മോട്ടോര് വെഹിക്കിള്- 6, കാര്പെന്റര്- 2, മെക്കാനിക് (ഡീസല്)- 4, ഇന്സ്ട്രുമെന്റ് മെക്കാനിക്- 12, വെല്ഡര് (ഗ്യാസ് ആന്ഡ് ഇലക്ട്രിക്)- 9, പെയിന്റര്- 2, COPA/ ഫ്രണ്ട് ഓഫീസ് അസിസ്റ്റന്റ്- 12.
യോഗ്യത: 60 ശതമാനം മാര്ക്കോടെ അനുബന്ധ ട്രേഡില് ഐ.ടി.ഐ./ ഐ.ടി.സി. (എന്.സി.വി.ടി. അംഗീകൃതം). എസ്.സി./എസ്.ടി. വിഭാഗങ്ങള്ക്ക് 50 ശതമാനം മാര്ക്ക് മതി.
പ്രായം: 23 വയസ്സ് കവിയരുത് (01.04.2024 അടിസ്ഥാനമാക്കിയാണ് പ്രായം കണക്കാക്കുന്നത്). സംവരണവിഭാഗങ്ങള്ക്ക് നിയമാനുസൃത ഇളവുണ്ട്.
അപേക്ഷ ഫാക്ടിന്റെ വെബ്സൈറ്റ് വഴി ഓണ്ലൈനായി സമര്പ്പിക്കണം. അവസാന തീയതി: മേയ് 20.
ഓണ്ലൈന് അപേക്ഷയുടെ പ്രിന്റൗട്ടും അനുബന്ധ സര്ട്ടിഫിക്കറ്റുകളും തപാലായി അയയ്ക്കണം. വിലാസം: സീനിയര് മാനേജര് (ട്രെയിനിങ്), ഫാക്ട് ട്രെയിനിങ് ആന്ഡ് ഡെവലപ്മെന്റ് സെന്റര്, ഉദ്യോഗമണ്ഡല്, പിന്- 683501. അവസാനതീയതി: മേയ് 25 (5 PM).
വിവരങ്ങള്ക്ക് വെബ്സൈറ്റ്: www.fact.co.in