കേരള കലാമണ്ഡലത്തിൽ പ്ലസ് വൺ പ്രവേശനത്തിനുള്ള അപേക്ഷ ക്ഷണിച്ചു

ചെറുതുരുത്തി: കേരള കലാമണ്ഡലത്തിൽ പ്ലസ് വൺ പ്രവേശനത്തിനുള്ള അപേക്ഷ ക്ഷണിച്ചു. 10-ാം ക്ലാസ് വിജയിച്ച, 2024 ജൂൺ ഒന്നിന് 20 വയസ്സ് കവിയാത്ത വിദ്യാർഥികൾക്ക് അപേക്ഷിക്കാം. പട്ടികജാതി/വർഗ വിഭാഗ വിദ്യാർഥികൾക്ക് രണ്ടു വർഷം ഇളവു ലഭിക്കും.

അപേക്ഷയും വിശദവിവരങ്ങളടങ്ങിയ പ്രോസ്‌പെക്ടസും കലാമണ്ഡലം വെബ്‌സൈറ്റിൽനിന്ന്www.kalamandalam.ac.inഡൗൺലോഡ് ചെയ്യാവുന്നതാണ്. പൂരിപ്പിച്ച അപേക്ഷകൾ മേയ് 25 വരെ സ്വീകരിക്കും. പൂരിപ്പിച്ച അപേക്ഷകൾ നിശ്ചിത തീയതിക്കകം രജിസ്ട്രാറുടെ പേരിൽ തപാലിൽ അയക്കണം. അപേക്ഷകർക്ക് അഭിമുഖപരീക്ഷ ഉണ്ടായിരിക്കും.