/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/WPKuvrV05oavm1H8BqxC.jpeg)
സാധാരണക്കാര്ക്ക് താങ്ങാനാവുന്ന വിലയിലുള്ള റെഡ്മി 14ആര് സ്മാര്ട്ട്ഫോണ് വൈകാതെ ഇന്ത്യയിലെത്തിയേക്കും. റെഡ്മി 13ആര് മോഡലിന്റെ പിന്ഗാമിയാണിത്. ആന്ഡ്രോയ്ഡ് 14ല് ഷവോമിയുടെ സ്വന്തം ഹൈപ്പര്ഒഎസിലാണ് റെഡ്മി 14ആര് സ്മാര്ട്ട്ഫോണിന്റെ വരവ്. വ്യത്യസ്തമായ റാമിലും വിവിധ സ്റ്റോറേജ് വേര്ഷനുകളിലും ഈ ഫോണ് ചൈനയില് ലഭ്യമാണ്. ചൈനീസ് യുവാനില് 1,099ലാണ് 4 ജിബി റാമും 128 ജിബി സ്റ്റോറേജുമുള്ള റെഡ്മി 14ആര് അടിസ്ഥാന വേരിയന്റിന്റെ വില തുടങ്ങുന്നത്.
16 മെഗാപിക്സലിന്റെ റീയര് ക്യാമറയും 5 മെഗാപിക്സലിന്റെ സെല്ഫി ക്യാമറയും ഉള്പ്പെടുത്തിയിരിക്കുന്നു. ഫോണിലെ സെക്കന്ഡറി സെന്സറിനെ കുറിച്ചുള്ള വിവരങ്ങള് കമ്പനി പുറത്തുവിട്ടിട്ടില്ല. 6 ജിബി + 128 ജിബി വേരിയന്റിന് 1,499 യുവാനും, 8 ജിബി + 128 ജിബി വേരിയന്റിന് 1,699 യുവാനും, 8 ജിബി + 256 ജിബി വേരിയന്റിന് 1,899 യുവാനും ആണ് വില.
നാല് നിറങ്ങളിലാണ് റെഡ്മി 14ആര് സ്മാര്ട്ട്ഫോണിന്റെ രംഗപ്രവേശം. 5,160 എംഎഎച്ച് ബാറ്ററി വരുന്ന റെഡ്മി 14ആര് സ്മാര്ട്ട്ഫോണിന് 18 വാട്ട്സ് ചാര്ജറാണ് വരുന്നത്. ഇരട്ട നാനോ സിം, 120Hz റിഫ്രഷ് റേറ്റിലുള്ള 6.68 ഇഞ്ച് എച്ച്ഡി+ എല്സിഡി ഡിസ്പ്ലെ, 5ജി, 4ജി എല്റ്റിഇ കണക്റ്റിവിറ്റി, വൈഫൈ, ബ്ലൂടൂത്ത്, ജിപിഎസ്, ടൈപ്പ്-സി യുഎസ്ബി പോര്ട്ട്, 3.5 എംഎം ഹെഡ്ഫോണ് ജാക്ക് എന്നിവയും കാണാം.