/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/lX6Z2eb3L7s9dhkclVOv.jpeg)
സാംസങിന്റെ ഗ്യാലക്സി എം05 സ്മാര്ട്ട്ഫോണിന് വെറും 7,999 രൂപയെ വിലയുള്ളൂ എന്നതാണ് ശ്രദ്ധേയം. ഗ്യാലക്സി എം സിരീസില്പ്പെട്ട എം05 ആണ് പുതിയ ഐറ്റം. 6.7 ഇഞ്ച് എല്സിഡി ഡിസ്പ്ലെയില് എച്ച്ഡി+ റെസലൂഷനിലുള്ളതാണ് ഡിസ്പ്ലെ. മീഡിയടെക് ഹലിയോ ജി85 ചിപ്സെറ്റിലാണ് ഗ്യാലക്സി എം05ന്റെ നിര്മാണം. 4ജി റാമും 64 ജിബി ഓണ്ബോര്ഡ് സ്റ്റോറേജും വരുന്ന ഒരൊറ്റ വേരിയന്റേ ഈ ഫോണിനുള്ളൂ.
മൈക്രോ എസ്ഡി കാര്ഡ് ഉപയോഗിച്ച് 1 ടിബി വരെ സ്റ്റോറേജ് ഉയര്ത്താം. 4ജി വരെ കണക്റ്റിവിറ്റിയേയുള്ളൂ എന്നതാണ് ഒരു ന്യൂനത. അതേസമയം ഇരട്ട 4G VoLTE ഫോണില് സപ്പോര്ട്ട് ചെയ്യും. വണ്യുഐ അടിസ്ഥാനമാക്കിയുള്ള ആന്ഡ്രോയ്ഡ് പ്ലാറ്റ്ഫോമിലാണ് ഗ്യാലക്സി എം05 പണിതുയര്ത്തിയിരിക്കുന്നത്. രണ്ട് വര്ഷത്തെ സൗജന്യ ഒഎസ് അപ്ഡേറ്റും നാല് വര്ഷത്തെ സെക്യൂരിറ്റി പാച്ചും കമ്പനി ഉറപ്പുനല്കുന്നു.
ചാര്ജര് ഫോണിനൊപ്പം ലഭിക്കില്ല. ഫിംഗര്പ്രിന്റ് സ്കാനര് ഇല്ലായെന്നതും ഗ്യാലക്സി എം05ന്റെ ന്യൂനതയാണ്. പിന്ഭാഗത്ത് 50 എംപി പ്രൈമറി ക്യാമറയും 2 എംപി ഡെപ്ത് സെന്സറും ഉള്പ്പെടുത്തിയിരിക്കുന്നു. സെല്ഫിക്കും വീഡിയോ കോളിംഗിനുമായി 8 എംപി ഫ്രണ്ട് ക്യാമറയാണ് നല്കിയിരിക്കുന്നത്. പ്ലാസ്റ്റിക് ബോഡിയില് നിര്മിച്ചിരിക്കുന്ന ഈ ഫോണിന് 8.8 എംഎം കനവും 193 ഗ്രാം ഭാരവുമാണുള്ളത്. 3.5 എംഎം ഹെഡ്ഫോണ് ജാക്കും ഫോണിനുണ്ട്.