സംസ്‌കൃത സർവകലാശാലയിൽ ഇന്റർനെറ്റ് റേഡിയോ; ലോഗോ, പേര്, ടാഗ്‍ലൈൻ എൻട്രികൾ ക്ഷണിച്ചു

ശ്രീശങ്കരാചാര്യ സംസ്‌കൃത സർവകലാശാലയിൽ ഇന്റർനെറ്റ് റേഡിയോ തുടങ്ങുന്നതിന്റെ ഭാഗമായി ലോഗോ,പേര്,ടാഗ്‍ലൈൻ എന്നിവയ്ക്കായി പൊതുജനങ്ങളിൽ നിന്നും എൻട്രികൾ ക്ഷണിച്ചു.തെരഞ്ഞെടുക്കപ്പെടുന്ന പേരിനും ടാഗ്‍ലൈനും 2500/-രൂപ വീതവും ലോഗോയ്ക്ക് 5000/-രൂപയും പ്രതിഫലമായി നൽകുമെന്ന് സർവ്വകലാശാല അറിയിച്ചു.

എൻട്രികൾ പ്രത്യേകമായി അയയ്ക്കണം.കവറിന് മുകളിൽ എൻട്രി വിഭാഗമേതെന്ന് രേഖപ്പെടുത്തണം.എൻട്രികൾ ലഭിക്കേണ്ട അവസാന തീയതി ഒക്ടോബർ അഞ്ച്.വിലാസംഃ രജിസ്ട്രാർ,ശ്രീശങ്കരാചാര്യ സംസ്കൃത സർവ്വകലാശാല,കാലടി പി.ഒ.,എറണാകുളം - 683574.