ബഹിരാകാശ രംഗത്ത് ചരിത്രമെഴുതി സ്വകാര്യ സംരംഭകരായ സ്പേസ് എക്സ്

ചരിത്രമെഴുതി സ്വകാര്യ സംരംഭകരായ സ്പേസ് എക്സ് 100-ാം റോക്കറ്റ് വിക്ഷേപിച്ചു. 23 സ്റ്റാർലിങ്ക് സാറ്റ്‍ലൈറ്റുകളാണ് സ്പേസ് എക്സ് ബഹിരാകാശത്തേക്ക് അയച്ചത്. 23 സ്റ്റാർലിങ്ക് ഇന്‍റർനെറ്റ് സാറ്റ്‍ലൈറ്റുകളുമായി ഫാള്‍ക്കണ്‍ 9 റോക്കറ്റ് ഫ്ലോറിഡയിലെ കേപ് കനാവെരല്‍ സ്പേസ് ഫോഴ്സ് സ്റ്റേഷനില്‍ നിന്ന് കുതിച്ചുയരുകയായിരുന്നു. വിക്ഷേപണത്തിന് എട്ട് മിനുറ്റുകള്‍ക്ക് ശേഷം റോക്കറ്റിന്‍റെ ആദ്യഘട്ടം സുരക്ഷിതമായി ഭൂമിയില്‍ തിരിച്ചിറങ്ങി.

എതിർതീരമായ കാലിഫോർണിയയിലെ വാണ്ടെന്‍ബെർഗ് സ്പേസ് ഫോഴ്സ് ബേസില്‍ നിന്ന് 20 സ്റ്റാർലിങ്ക് കൃത്രിമ ഉപഗ്രഹങ്ങള്‍ ഒന്നിച്ച് വിക്ഷേപിക്കുകയാണ് ഈ ദൗത്യത്തില്‍ സ്പേസ് എക്സ് ചെയ്തത്. ഇക്കുറിയും റോക്കറിന്‍റെ ആദ്യ ഭാഗം സുരക്ഷിതമായി തിരിച്ചിറങ്ങി. നാസയുടെ യൂറോപ്പ ദൗത്യത്തിനായി ക്ലിപ്പർ പേടകത്തെ ഫ്ലോറിഡയിലെ കെന്നഡി സ്പേസ് സെന്‍ററില്‍ നിന്ന് ഫാല്‍ക്കണ്‍ ഹെവി റോക്കറ്റില്‍ സ്പേസ് എക്സ് അയച്ചതിന് പിന്നാലെയായിരുന്നു ഈ രണ്ട് വിക്ഷേപണങ്ങളും.

ഇരട്ട വിക്ഷേപണങ്ങളുമായി ബഹിരാകാശ രംഗത്ത് കരുത്തുകാട്ടിയിരിക്കുകയാണ് ഇലോണ്‍ മസ്കിന്‍റെ സ്പേസ് എക്സ്. വ്യാഴത്തിന്‍റെ ചന്ദ്രനുകളിലൊന്നായ യൂറോപ്പയിലേക്ക് 1.8 ബില്യണ്‍ മൈല്‍ യാത്രയ്ക്കാണ് ക്ലിപ്പർ ബഹിരാകാശ പേടകം പുറപ്പെട്ടിരിക്കുന്നത്. അന്താരാഷ്ട്ര ബഹിരാകാശ നിലയത്തിലേക്കുള്ള ലോഞ്ചിനിടെ അപ്പർ സ്റ്റേജിന് തകരാർ കണ്ടെത്തിയ ശേഷം ഫാല്‍ക്കണ്‍ 9 റോക്കറ്റ് വിക്ഷേപിക്കാന്‍ അമേരിക്ക അനുമതി നല്‍കിയിരുന്നു.