ടാറ്റ നാനോ ഇവി ഇന്ത്യയിൽ അവതരിപ്പിക്കാനൊരുങ്ങുന്നു

ടാറ്റ മോട്ടോഴ്‌സ് നാനോയെ പുതിയ ഇലക്ട്രിക് കാറായി വീണ്ടും അവതരിപ്പിക്കുന്നുവെന്നും 2024 അവസാനത്തോടെ ടാറ്റ നാനോ ഇവി ഇന്ത്യയിൽ അവതരിപ്പിക്കുമെന്ന് വിപണി വൃത്തങ്ങൾ അവകാശപ്പെടുന്നതെന്നുമാണ് പുതിയ റിപ്പോര്‍ട്ടുകൾ. പെട്രോൾ-ഡീസലിന് പകരം കാർ വൈദ്യുതിയിൽ പ്രവർത്തിക്കുന്നു, ഇത് ചെലവ് കുറയ്ക്കുന്നു. രത്തൻ ടാറ്റയുടെ സ്വപ്ന കാർ ഇന്ത്യയിലെ ഏറ്റവും വിലകുറഞ്ഞതും മികച്ചതുമായ കാറായിരിക്കുമെന്ന് എല്ലാവരും കരുതുന്നു.

17 kWh ബാറ്ററി പാക്കിലാണ് ടാറ്റ നാനോ എത്തുന്നത്. ഒരു തവണ ഫുൾ ചാർജ് ചെയ്താൽ 312 കിലോമീറ്റർ സഞ്ചരിക്കാമെന്നാണ് റിപ്പോർട്ട്. മണിക്കൂറിൽ 120 കിലോമീറ്റർ വേഗതയിൽ സഞ്ചരിക്കാനാകും. 40 kW ഇലക്ട്രിക് മോട്ടോറാണ് ഇതിനുള്ളത്. പല റിപ്പോർട്ടുകൾ പ്രകാരം ഡിസൈൻ അതിശയകരമാണ്. ടാറ്റ നാനോ ഇവി ഒരു കോംപാക്റ്റ് കാറാണ്. ഇതിൻ്റെ നീളം 3,164 എംഎം, വീതി 1,750 എംഎം, വീൽബേസ് 2,230 എംഎം, ഗ്രൗണ്ട് ക്ലിയറൻസ് 180 എംഎം.

ഈ കാറിൽ നാല് പേർക്ക് എളുപ്പത്തിൽ യാത്ര ചെയ്യാം. 7 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, ബ്ലൂടൂത്ത് കണക്റ്റിവിറ്റി, ഇൻ്റർനെറ്റ് കണക്റ്റിവിറ്റി, ശക്തമായ സ്പീക്കർ സൗണ്ട് സിസ്റ്റം, പവർ സ്റ്റിയറിംഗ്, പവർ വിൻഡോകൾ, ഇബിഡി ഉള്ള ആൻ്റി-ലോക്ക് ബ്രേക്ക് സിസ്റ്റം എന്നിവയുണ്ടാകും. 10 സെക്കൻഡിനുള്ളിൽ ഇത് പൂജ്യം മുതൽ 100 ​​കിലോമീറ്റർ വേഗത കൈവരിക്കും. എസി, പവർ സ്റ്റിയറിംഗ്, എയർ ബാഗുകൾ, ആൻ്റി ലോക്ക് ബ്രേക്കിംഗ് സിസ്റ്റം തുടങ്ങിയ പുതിയ ഫീച്ചറുകളും ഉണ്ടായിരിക്കും.

ടാറ്റ മോട്ടോഴ്‌സും കോയമ്പത്തൂർ ആസ്ഥാനമായുള്ള ജയം ഓട്ടോമോട്ടീവും സംയുക്തമായാണ് ഈ കാർ നിർമ്മിക്കുന്നതെന്നാണ് സ്ഥിരീകരിക്കാത്ത റിപ്പോര്‍ട്ടുകൾ. ഈ കാറിന് ഇലക്‌ട്ര എന്നാണ് പേരിട്ടിരിക്കുന്നതെന്നും 2024 അവസാനത്തോടെ ഈ കാർ ഇന്ത്യയിൽ അവതരിപ്പിക്കുമെന്നാണ് പ്രതീക്ഷിക്കുന്നതെന്നുമാണ് റിപ്പോര്‍ട്ടുകൾ. രത്തൻ ടാറ്റയുടെ സ്വപ്‌ന കാറായി ടാറ്റ നാനോയെ ടാറ്റ മോട്ടോഴ്‌സ് കൊണ്ടുവന്നത് ഒരുലക്ഷം രൂപ വിലയിലാണ്. എങ്കിലും, പുതിയ ഇവി പതിപ്പായ ടാറ്റ നാനോ ഇലക്ട്രിക് കാറിൻ്റെ വില 3.5 ലക്ഷം മുതൽ അഞ്ച് ലക്ഷം വരെ ആയിരിക്കും.