ഇന്ത്യ വികസിപ്പിച്ച 5ജി സാങ്കേതികവിദ്യ വിജയകരമായി പരീക്ഷിച്ച് സി ഡോട്ട്

പൊതുമേഖല ടെലികോം കമ്പനിയായ എംടിഎന്‍എല്‍ കേന്ദ്ര സ്ഥാപനമായ സി ഡോട്ടുമായി ചേര്‍ന്ന് 5ജി ടെസ്റ്റിംഗ് പൂര്‍ത്തിയാക്കി. ഇന്ത്യ വികസിപ്പിച്ച 5ജി സാങ്കേതികവിദ്യ വിജയകരമായി സി-ഡോട്ട് പരീക്ഷിച്ചിരിക്കുകയാണ്. പൊതുമേഖല കമ്പനികളായ ബിഎസ്എന്‍എല്ലും എംടിഎന്‍എല്ലും ഇന്ത്യന്‍ നിര്‍മിത 5ജി സാങ്കേതികവിദ്യയിലാണ് 5ജി വിന്യസിക്കുക. 

തദ്ദേശീയമായി വികസിപ്പിച്ച 4ജി സാങ്കേതികവിദ്യ ഉപയോഗിച്ചാണ്. ബിഎസ്എന്‍എല്ലിനൊപ്പം എംടിഎന്‍എല്ലും 4ജി വിന്യസിക്കുന്നുണ്ട്. ബിഎസ്എന്‍എല്ലുമായി സഹകരിച്ചാണ് എംടിഎന്‍എല്‍ 4ജി നെറ്റ്‌വര്‍ക്ക് സ്ഥാപിക്കുന്നത്. ഇത് സംബന്ധിച്ച് 10 വര്‍ഷ കരാറില്‍ ബിഎസ്എന്‍എല്ലും എംടിഎന്‍എല്ലും ഒപ്പിട്ടിരുന്നു. 

പൊതുമേഖല കമ്പനികളായ ബിഎസ്എന്‍എല്ലും എംടിഎന്‍എല്ലും 5ജിയുമായി രംഗപ്രവേശം ചെയ്യാനിരിക്കുന്നത്. 4ജി വിന്യാസം തന്നെ ഏറെ വൈകിയതില്‍ ടെലികോം രംഗത്ത് പിടിച്ചു നില്‍ക്കണമെങ്കില്‍ ബിഎസ്എന്‍എല്ലിന് 5ജി ടവറുകളും ഉടന്‍ വിന്യസിച്ചേ മതിയാകൂ. അതിനാല്‍ 4ജി വിന്യാസത്തിനൊപ്പം 5ജി വികസനത്തിലും ശ്രദ്ധ പതിപ്പിക്കുകയാണ് ബിഎസ്എന്‍എല്ലും എംടിഎന്‍എല്ലും.