/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/D2W1qhDjvhOCi5qmLXNc.jpg)
ചൈനീസ് ടെക് ഭീമനായ ബൈറ്റ്‌ഡാന്‍സിന്‍റെ ഉടമസ്ഥതയിലുള്ള സോഷ്യല്‍ മീഡിയ പ്ലാറ്റ്‌ഫോമാണ് ടിക്‌ടോക്. ഉള്ളടക്കത്തിന്‍റെ മോഡറേഷന് വേണ്ടി ആര്‍ട്ടിഫിഷ്യല്‍ ഇന്‍റലിജന്‍സില്‍ ശ്രദ്ധ പതിപ്പിക്കുന്നതിന്‍റെ ഭാഗമായി ടിക്‌ടോക് തൊഴില്‍ ഘടനയില്‍ മാറ്റം വരുത്തുന്നു. ആഗോളതലത്തില്‍ നൂറുകണക്കിന് തൊഴിലാളികളെയാണ് കമ്പനി പിരിച്ചുവിടുന്നത്. തീരുമാനം പ്രതികൂലമായി ബാധിക്കുക എന്നാണ് ടിക്‌ടോക്കിന്‍റെ ഉടമസ്ഥരായ ബൈറ്റ്‌ഡാന്‍സിന്‍റെ വിശദീകരണം.
കണ്ടന്‍റ് മോഡറേഷനില്‍ വലിയ മാറ്റത്തിന് ഒരുങ്ങുകയാണ് ടിക്‌ടോക്. ടിക്‌ടോക്കിന്‍റെ കണ്ടന്‍റ് മോഡറേഷന് ഓപ്പറേഷനില്‍ ജോലി ചെയ്‌തിരുന്നവര്‍ക്കാണ് ജോലി നഷ്ടമാകുന്നത്. പിരിച്ചുവിടുന്നതായുള്ള ഇമെയില്‍ സന്ദേശം ഇവര്‍ക്ക് ബുധനാഴ്‌ച ലഭിച്ചു. തൊഴിലാളികളും എഐ സംവിധാനവും ചേര്‍ന്നാണ് ടിക്‌ടോക്കിന്‍റെ കണ്ടന്‍റ് മോഡറേഷന് ഓപ്പറേഷന്‍ നിര്‍വഹിക്കുന്നത്.
ഇനി മുതല്‍ കണ്ടന്‍റ് മോഡറേഷന് ഓപ്പറേഷന്‍സിന് എഐ ടൂളുകളെ കൂടുതലായി ആശ്രയിക്കാനാണ് ടിക് ടോക്കിന്‍റെ തീരുമാനം. കണ്ടന്‍റ് മോഡറേഷനായി ഒരു ആഗോള പ്രവര്‍ത്തന മോഡല്‍ സാധ്യമാക്കുന്നതിന്‍റെ ഭാഗമായാണ് കമ്പനിയിലെ ജോലി ഘടനയില്‍ മാറ്റം വരുത്തുന്നത് എന്നാണ് ടിക്‌ടോക് വിശദീകരണം. 200ലധികം നഗരങ്ങളില്‍ ബൈറ്റ്‌ഡാന്‍സ് പ്രവര്‍ത്തിക്കുന്നു എന്നാണ് കമ്പനിയുടെ വെബ്‌സൈറ്റിലെ വിവരങ്ങളിലുള്ളത്.