/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/ld7VoJlaiaCJa1CZRCCV.jpeg)
ട്രൈ ഫോള്ഡ് ഫോള്ഡബിള് ഫോണ് ചൈനീസ് ബ്രാന്ഡായ വാവെയ് അവതരിപ്പിക്കുന്നു. ഐഫോണ് 16 സിരീസ് ലോഞ്ചിന് തൊട്ടുപിന്നാലെയാണ് വാവെയ് ടെക് ലോകത്തെ അത്ഭുതപ്പെടുത്താനൊരുങ്ങുന്നത്. മൂന്നായി മടക്കിക്കൂട്ടി കീശയില് വെക്കാവുന്ന ലോകത്തെ ആദ്യ ട്രൈ-ഫോള്ഡ് ഫോള്ഡബിളുമായാണ് വാവെയ്യുടെ വരവ്. സെപ്റ്റംബര് 10ന് നടക്കുന്ന വാവെയ് ഇവന്റില് ഈ സ്മാര്ട്ട്ഫോണ് മോഡലിന്റെ അവതരണമുണ്ടാകും എന്ന് കരുതപ്പെടുന്നു.
മൂന്ന് സ്ക്രീനുകളാണ് ട്രൈ ഫോള്ഡ് ഫോള്ഡബിളിനുണ്ടാവുക. ഫോണിന്റെ കനത്തില് മുന് ഫോള്ഡബിളുകളില് നിന്ന് വ്യത്യാസം പ്രതീക്ഷിക്കാം. വരാനിരിക്കുന്ന ഐഫോണ് 16 സിരീസിന് വാവെയ്യുടെ ട്രൈ ഫോള്ഡ് ഭീഷണിയാകുമോ എന്നാണ് ഇനി കണ്ടറിയേണ്ടത്. ചൈനീസ് സാമൂഹ്യമാധ്യമമായ വൈബോ വഴിയാണ് സെപ്റ്റംബര് 10ന് ഇവന്റ് നടക്കുന്ന വിവരം വാവെയ് അറിയിച്ചിരിക്കുന്നത്.
ഇന്ത്യന് സമയം രാത്രി എട്ട് മണിക്ക് പരിപാടി തുടങ്ങും. വാവെയ്യുടെ ഏറ്റവും നൂതനമായ ഉല്പന്നം വരുന്നു എന്നാണ് പരിപാടിക്ക് മുന്നോടിയായി കമ്പനിയുടെ പ്രഖ്യാപനം. എന്നാല് ഏത് മോഡല് സ്മാര്ട്ട്ഫോണാണ് അവതരിപ്പിക്കാന് പോകുന്നത് എന്ന് വാവെയ് വ്യക്തമാക്കിയിട്ടില്ല. അതേസമയം വരാനിരിക്കുന്നത് ട്രൈ ഫോള്ഡ് ഫോള്ഡബിള് ഫോണാണ് എന്ന സൂചന നല്കുന്നു.