/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/61fq8iHsk14Mrb438YSQ.jpeg)
മൂന്ന് സ്ക്രീനുകളുള്ള വാവെയ് മേറ്റ് എക്സ്ടി അള്ട്ടിമേറ്റ് ഫോണ് മൂന്നായി മടക്കിക്കഴിഞ്ഞാലും രണ്ട് ഫോള്ഡുള്ള സാംസങ് ഗ്യാലക്സി സ്സെഡ് ഫോള്ഡ് 6ന്റെ ഏതാണ്ട് അതേ കട്ടിയേ വരുന്നുള്ളൂ. വെറും 0.7 മില്ലിമീറ്ററിന്റെ വ്യത്യാസം മനുഷ്യ നേത്രങ്ങള്ക്ക് ഒറ്റനോട്ടത്തില് കണ്ടെത്താന് തന്നെ പ്രയാസമാണ്. വാവെയ് മേറ്റ് എക്സ്ടിക്ക് 10.2 ഉം, ഗ്യാലക്സി സ്സെഡ് ഫോള്ഡ് 6ന് 7.6 ഉം ഇഞ്ച് വീതമുള്ള സ്ക്രീനുമാണ്.
ചൈനീസ് ബ്രാന്ഡായ വാവെയ് ട്രിപ്പിള് ഫോള്ഡുമായി രംഗത്തെത്തിയ വെറും മൂന്ന് ദിനം കൊണ്ട് 40 ലക്ഷത്തിലേറെ പ്രീ-ബുക്കിംഗ് ലഭിച്ച മോഡലാണിത്. 2,35,109.78 ഇന്ത്യന് രൂപയാണ് വാവെയ് മേറ്റ് എക്സ്ടിയുടെ അടിസ്ഥാന വില. ഐഫോണ് 16 സിരീസിലെ ഏറ്റവും മുന്തിയ ഐഫോണ് 16 പ്രോ മാക്സ് 1 ടിബി വേരിയന്റിന്റെ വില 1,84,900 രൂപയേയുള്ളൂ. എന്നാല് വാവെയ് മേറ്റ് എക്സ്ടിക്ക് മാത്രം അവകാശപ്പെടാവുന്ന ചില പ്രത്യേകതകളുണ്ട്.
പൂര്ണമായും തുറന്നുവെക്കുമ്പോള് 3.6 എംഎം മാത്രമാണ് കനം വരിക എങ്കിലും 5600 എംഎഎച്ചിന്റെ സിലികോണ് കാര്ബണ് ബാറ്ററി മികച്ച ചാര്ജ് ഉറപ്പുനല്കും. ലോകത്തെ ഏറ്റവും കനംകുറഞ്ഞ സ്മാര്ട്ട്ഫോണ് ബാറ്ററിയാണ് വാവെയ് മേറ്റ് എക്സ്ടിയില് ഉള്പ്പെടുത്തിയിരിക്കുന്നത്. 50 എംപി പ്രധാന ക്യാമറ, 12 എംപി ആള്ട്രാ വൈഡ് ആംഗിള് ലെന്സ്, 5.5x ഒപ്റ്റിക്കല് സൂമോടെ 12 എംപി ടെലിഫോട്ടോ ലെന്സ്, 8 എംപി സെല്ഫി ക്യാമറ എന്നിവയാണ് ഫോണിലുള്ളത്.