'ദി ​ഗ്രേറ്റസ്റ്റ് ഓഫ് ഓൾ ടൈം' (​ഗോട്ട്) ചിത്രത്തിൻ്റെ ട്രെയിലർ പുറത്തുവിട്ട് അണിയറ പ്രവർത്തകർ

വിജയ് നായകനാവുന്ന 'ദി ​ഗ്രേറ്റസ്റ്റ് ഓഫ് ഓൾ ടൈം' (​ഗോട്ട്) എന്ന ചിത്രത്തിൻ്റെ ട്രെയിലർ പുറത്തിറങ്ങി. ​ഗംഭീര ആക്ഷൻ രം​ഗങ്ങളുമായാണ് ട്രെയിലർ എത്തിയിരിക്കുന്നത്. ചുരുങ്ങിയ സമയം കൊണ്ട് ട്രെയിലർ ശ്രദ്ധനേടുകയാണ്.

യുവൻ ശങ്കർ രാജയാണ് ചിത്രത്തിനായി സം​ഗീതം ഒരുക്കിയിരിക്കുന്നത്. ഡീ ഏജിങ് സാങ്കേതിക വിദ്യയുടെ സഹായത്തോടെ വിജയ് യെ ചെറുപ്പമായി ചിത്രത്തിൽ അവതരിപ്പിച്ചിട്ടുണ്ട്.

വെങ്കട് പ്രഭു സംവിധാനം ചെയ്യുന്ന ചിത്രം സെപ്തംബർ 5 നാണ് ലോകവ്യാപകമായി പ്രദർശനത്തിനെത്തുന്നത്. വിനായക ചതുർഥിയോട് അനുബന്ധിച്ചാണ് റിലീസ്. എജിസ് എന്റർടൈൻമെന്റാണ് ചിത്രം റിലീസ് ചെയ്യുന്നത്. മീനാക്ഷി ചൗധരി, പ്രശാന്ത്, പ്രഭുദേവ, ജയറാം, സ്‌നേഹ തുടങ്ങിയവരും ചിത്രത്തിൽ പ്രധാനകഥാപാത്രങ്ങളെ അവതരിപ്പിക്കുന്നു.