പാടത്ത് പണിക്കെത്തിയില്ല; തെലങ്കാനയില്‍ ആദിവാസി യുവതിയെ വടികൊണ്ട് തല്ലിചതച്ച നാലു പേര്‍ ആറസ്റ്റിൽ

ഹൈദരാബാദ്: തെലങ്കാനയിൽ 27കാരിയായ ആദിവാസി യുവതിയെ ഉപദ്രവിച്ച നാലു പേർ പിടിയിൽ. നാഗര്‍കുര്‍നൂള്‍ ജില്ലയിലാണ് സംഭവം. ചെഞ്ചു ആദിവാസി യുവതിയെ പാടത്ത് പണിക്കെത്തിയില്ലെന്ന കാരണത്താല്‍ ഒരാഴ്ചയോളം ഉപദ്രവിച്ചത്.

സ്വന്തം സഹോദരിയും സഹോദരിയുടെ ഭര്‍ത്താവും ഉള്‍പ്പെടെയാണ് യുവതിയെ മര്‍ദ്ദിച്ചത്. ഗ്രാമവാസികള്‍ പൊലീസില്‍ പരാതി നല്‍കിയതോടെയാണ് യുവതിയെ മോചിപ്പിച്ചത്. ഇപ്പോള്‍ യുവതി ആശുപത്രിയില്‍ ചികിത്സയിലാണ്.

പ്രതികളിലൊരാളുടെ കൃഷിയിടത്തില്‍ ജോലി ചെയ്യാന്‍ എത്തിയില്ലെന്ന് ആരോപിച്ച് വടികൊണ്ട് യുവതിയെ തല്ലിചതയ്ക്കുകയും ഉപദ്രവിക്കുകയുമായിരുന്നെന്ന് പൊലീസ് പറയുന്നു.

സംഭവം അറിഞ്ഞ് എക്‌സൈസ് മന്ത്രി ജുപ്പള്ളി കൃഷ്ണ റാവു പെണ്‍കുട്ടിയെ വിളിക്കുകയും രണ്ടുലക്ഷം രൂപയുടെ ധനസഹായം നല്‍കുമെന്ന് അറിയിക്കുകയും ചെയ്തിട്ടുണ്ട്.