ബന്ദിപ്പൂരിൽ ആടുകളെ മേയ്ക്കാനായി പോയ യുവതി കടുവയുടെ ആക്രമണത്തിൽ കൊല്ലപ്പെട്ടു

ബംഗളൂരു: ബന്ദിപ്പൂരിൽ കടുവയുടെ ആക്രമണത്തിൽ യുവതി മരിച്ചു. ഗുണ്ടൽപേട്ട് താലൂക്കിലെ ദേശിപുര കോളനിയിൽ താമസിക്കുന്ന ഹാദിയ പുട്ടമ്മയാണ് (36) മരിച്ചത്. 

ആടുകളെ മേയ്ക്കുന്നതിനിടെ ഉച്ചകഴിഞ്ഞാണ് യുവതിക്കു നേരെ കടുവയുടെ ആക്രമണം ഉണ്ടാവുന്നത്. പുട്ടമ്മയുടെ കഴുത്തിലും നെഞ്ചിലും ആക്രമിച്ചു.

ചാമരാജനഗർ ജില്ലയിൽ ബന്ദിപ്പൂർ കടുവ സംരക്ഷണ കേന്ദ്രത്തിലെ ഓംകാർ വനമേഖലയുടെ ഭാഗമായ ദേശിപുര കോളനിയിൽ വ്യാഴാഴ്ചയായിരുന്നു സംഭവം.

യുവതിയെ കാണാതായതിനെ തുടർന്ന് ഗ്രാമവാസികൾ നടത്തിയ തിരച്ചിലിലാണ് ശരീര അവശിഷ്ടങ്ങൾ അൽപം അകലെ കണ്ടെത്തി.

ഓംകാർ സോണിലെ വനംവകുപ്പ് ഉദ്യോഗസ്ഥർ സ്ഥലം സന്ദർശിച്ച് അന്വേഷണം ആരംഭിച്ചു.