റോഡ് മുറിച്ച് കടക്കുന്നതിനിടെ ബൈക്ക് ഇടിച്ചു തെറിപ്പിച്ചു; ബാങ്ക് ജീവനക്കാരിക്ക് ദാരുണാന്ത്യം.  വാഹനമോടിച്ച അൾസൂർ സ്വദേശി ദീപക് തലയ്ക്ക് പരിക്കേറ്റ് ആശുപത്രിയിൽ ചികിത്സയിൽ

ബംഗളൂരു: റോഡ് മുറിച്ച് കടക്കുന്നതിനിടെ അമിതവേഗത്തിലെത്തിയ ബൈക്കിടിച്ച് യുവതിക്ക് ദാരുണാന്ത്യം.

 ബംഗളൂരു ലഗ്ഗരെ സ്വദേശിനിയും സ്വകാര്യ ബാങ്കിലെ ജീവനക്കാരിയുമായ യോഗേശ്വരി (27) യാണ് മരിച്ചത്.

വാഹനമോടിച്ച അൾസൂർ സ്വദേശി ദീപക് തലയ്ക്ക് പരിക്കേറ്റ് ആശുപത്രിയിൽ ചികിത്സയിലാണെന്ന് പോലീസ് പറഞ്ഞു.

ബാങ്കിന്‍റെ എതിർവശത്തുള്ള ഹോട്ടലിൽ നിന്ന് ഉച്ചഭക്ഷണം വാങ്ങി മടങ്ങുന്നതിനിടെയാണ് അപകടം.

 ഭക്ഷണവുമായി റോഡ് മുറിച്ചുകടക്കുന്നതിനിടെ അമിത വേഗത്തിലെത്തിയ ബൈക്ക് യോഗേശ്വരിയെ ഇടിച്ചുതെറിപ്പിക്കുകയായിരുന്നു.

ഇടിയുടെ ആഘാതത്തിൽ ഇരുവരുടെയും തലയ്ക്ക് പരിക്കേറ്റൽക്കുകയും അടുത്തുള്ള ആശുപത്രിയിൽ എത്തിക്കുകയും ചെയ്തു. ചികിത്സയിലായിരിക്കെയാണ് യോഗേശ്വരി മരിച്ചത്. മനഃപൂർവമല്ലത്ത നരഹത്യയ്ക്ക് ദീപക്കിനെതിരെ പോലീസ് കേസെടുത്തിട്ടുണ്ട്.