നിയമസഭാ തെരഞ്ഞെടുപ്പ് പരസ്യ പ്രചാരണത്തിന് തുടക്കം കുറിച്ച് ബി ജെ പി ; സ്ഥാനാർത്ഥി പ്രഖ്യാപനത്തിന് മുമ്പ് ബി ജെ പി  പ്രചാരണം തുടങ്ങി ; തൃപ്പൂണിത്തുറയിൽ മുതിർന്ന നേതാവ് പ്രകാശ് ജാവദേക്കർ ചുവരെഴുത്ത് നടത്തി

കൊച്ചി : സംസ്ഥാനത്ത് ഇക്കുറി വൻ മുന്നേറ്റമാണ് ബി ജെ പി പ്രതീക്ഷിക്കുന്നത്. 

പാർട്ടി വിജയ സാധ്യത കല്പിക്കുന്ന മണ്ഡലങ്ങളിൽ ശക്തമായ പ്രചാരണം നടത്തുന്നതിനാണ് ബി ജെ പി നീക്കം .

പ്രചാരണത്തിൽ ഇരു മുന്നണികളേക്കാളും മേൽകൈ നേടാനായാൽ തെരഞ്ഞെടുപ്പിൽ ഗുണം ചെയ്യുമെന്നാണ് പാർട്ടി വിലയിരുത്തൽ . 

സ്ഥാനാർത്ഥി നിർണ്ണയത്തിൽ വിജയ സാധ്യത മാനദണ്ഡമാക്കാനാണ് പാർട്ടി ശ്രമിക്കുന്നത്.

സ്ഥാനാർത്ഥി നിർണ്ണയ ചർച്ചകൾ നടക്കുമ്പോൾ തന്നെ പരസ്യ പ്രചാരണം ആരംഭിച്ച് പ്രവർത്തകർക്ക് ആവേശം നൽകാനാണ് ബി ജെ പി ശ്രമിക്കുന്നത്. 

സംസ്ഥാനത്തെ തെരഞ്ഞെടുപ്പ് പ്രചാരണങ്ങളുടെ ഭാഗമായി ചുവരെഴുത്തിന് തൃപ്പൂണിത്തുറയിൽ തുടക്കമായി . 

ബി ജെ പി ഏറെ സാധ്യത കല്പിക്കുന്ന മണ്ഡലമാണ് തൃപ്പൂണിത്തുറ . ഇവിടെ മുതിർന്ന നേതാവും ബി ജെ പി യുടെ സംസ്ഥാന പ്രഭാരിയുമായ പ്രകാശ് ജാവദേക്കറാണ് താമര വരച്ച് കൊണ്ട് ചുവരെഴുത്ത് ആരംഭിച്ചത്