പാർട്ടി പരിപാടികൾക്കായി വിജയ് ഇനി ഹെലികോപ്റ്ററിൽ പറക്കും; റോ​ഡ് ഷോ ​ഒ​ഴി​വാ​ക്കിയത് കരൂർ ദുരന്തത്തിന്‍റെ പശ്ചാത്തലത്തിൽ

ചെ​ന്നൈ: തെന്നിന്ത്യൻ സൂപ്പർതാരവും ത​മി​ഴ​ക വെ​ട്രി ക​ഴ​കം (ടി​വി​കെ) അ​ധ്യ​ക്ഷ​നുമായ വിജയ് ഇനിമുതൽ പാർട്ടി പരിപാടികൾക്കായി ഹെലികോപ്റ്ററിൽ സഞ്ചരിക്കും. കരൂർ ദുരന്തത്തിന്‍റെ പശ്ചാത്തലത്തിലാണ് വിജയ്‌യുടെ നീക്കം. ഇതിനായി നാലു ഹെലികോപ്റ്റർ വാങ്ങാനാണ് വിജയ്‌യുടെ തീരുമാനം.

ബം​ഗ​ളൂ​രു ആ​സ്ഥാ​ന​മാ​യ ക​മ്പ​നി​യുമായി ഇതു സംബന്ധിച്ച ചർച്ചകൾ ആരംഭിച്ചതായാണ് വിജയ്‌യോട് അടുത്തവൃത്തങ്ങൾ നൽകുന്ന വിവരം. സ​മ്മേ​ള​ന വേ​ദി​ക്കു സ​മീ​പം പ്രത്യേക ഹെ​ലി​പാ​ഡ് ത​യാ​റാ​ക്കും. 

സ​മ്മേ​ള​നം തു​ട​ങ്ങു​ന്ന​തി​ന് പതിനഞ്ചുമിനിറ്റു മു​ന്പു മാ​ത്ര​മാണ് വി​ജ​യ് എ​ത്തുക. അതേസമയം, ഹെ​ലി​കോ​പ്റ്റ​ർ വാങ്ങുന്നതിനോട് പാർട്ടിയിൽത്തന്നെയുള്ളവർ ആശങ്കയറിച്ചു. വിജയ്‌യും ജ​ന​ങ്ങ​ളും ത​മ്മി​ലു​ള്ള അ​ക​ലം വ​ർ​ധി​ക്കു​മോ എന്നാണ് ആശങ്ക.

കരൂ​രി​ൽ റോ​ഡ് ഷോ​യ്ക്കി​ടെ തി​ക്കി​ലുംതി​ര​ക്കി​ലും​പെ​ട്ട് 41 പേ​രാ​ണു മ​രി​ച്ച​ത്. സംഭവം വിജയ്‌യെയും പാർട്ടിയെയും പ്രതിക്കൂട്ടിലാക്കിയിരുന്നു. സംഭവത്തിൽ വിജയ്‌യും പാർട്ടിയും നിയമനടപടികൾ നേരിടുകയാണ്.